[A:158] sprang po rgyal khams myul ba'i bde sdug gi gtam smra ba'i kha sus kyang 'gegs par mi nus pas/ de brjod pa la dga' ba yod na'ang yod mi dga' ba yod na'ang yod/ blang dor dang bral ba'i btang snyoms pa yod na'ang legs mod/ de la phyi ltar na rgyal khams kyi sprang po phyi nang gi skye bo kun gyi blun po'i ngos 'dzin rang yang de'i khur bzhes la gnas pa'i ser gzugs/ nang ltar na sde snod gsum dang / rgyud sde gsar rnying ma lus pa'i bang mdzod/ bstan pa rin po che spyi dang bye brag rnams srid mthar rgyas par byed pa'i rig pa 'dzin pa'i dpa' bo/ gsang ba ltar na rje btsun rdo rje 'chang rtsod dus kyi rgyal ba gnyis pa gnas gsar chos rje zhes grags pa/ don la 'jam pa'i dbyangs dang gnyis su med pa mkhyen brtse'i dbang phyug bstan pa'i rgyal mtshan dpal bzang po'i zhabs kyi padmo las skyes te/ zab pa dang rgya che ba'i phyi nang gi gdams pa rgya mtsho lta bu dang / dpal ldan sa skya pa'i rje btsun gong ma yab sras rnams kyi snyan dang zhal nas brgyud pa'i bstan pa rin po che'i yang snying nged rang dpal kha'u brag rdzong pa'i snyan brgyud slob bshad thun mong ma yin pa'i bstan pa dri ma med pa gsang chen zab mo'i gdams pa zab pa las ches zab pa'i snyan brgyud med du mi rung ba'i sbas don yid bzhin nor bu rnams kyi kha lo sgyur ba'i rgyal tshab/ ris med phyogs 'dzin dang bral ba'i a wa dhU tI' pa'i btsun pa bhu su ku'i ngo mtshar gyi gtam gleng ba la gsum ste/ rigs rus cho 'brang dang ldan pa'i sgo nas chos sku skye ba med pa la skye ba'i cho 'phrul bstan tshul/ 'khor ba 'di tsher dong du nyal ba ltar gang du'ang bde ba'i go skabs mi 'dug