[A:157]ngo ma zlog bar/ 'ga' zhig gi ngor che long tsam zhig smras pa ni/ e ma ho/ kho bo me mo phag lor skyes pa nas bzung / da lta bdun cu don bdun gyi bar gyi dga' ba dang / skyo ba dang / btang snyoms la sdod pa'i bar gyi gleng mo brjod na/ dga' bar bsam na ci bya la 'das/ skyo bar bsams na snying chu mig ngar zags/ btang snyoms la bsams na dgod bro/ de yang res 'ga' ni rgyal khams chu bzhin du myul/ res 'ga' ni zhag zla lo sbrel nas nyal/ res 'ga' ni gzhan phan du ming btags pa'i 'di yin med pa'i zar zir dang za 'chag kho nar lus/ da bsam rgyu ni rang dbang thob pa'i gnas shig tu rang sems las med du gcig pur gnas te/ 'chi ba'i grogs po mdza' bshes kho sgug snyam kyang/ dad ldan gyi zhing sa la byin rlabs skyon bral gyi sa bon btab/ snying po 'bras bu don du 'gyur la re 'di ltar ro/ /sngon rabs byon pa'i skyes chen dam pa rnams kyi mdzad par/ 'das ma 'ongs da ltar gyi mdzad tshul brjod du ma mchis pa zhig yod bzhin gda' ste/ bdag lta bu'i blun po la ni/ 'das ma 'ongs gnyis ni gang 'dra yin dang ci 'drar 'gyur zhu tshod things pa ye med/ da lta'i gnas tshul/ rang gi spyod pa zhi drag ci byed thams cad kyi sngon du gyur pa 'di ka ma gtogs/ gzhan ma yi ge'i rigs su bkod rgyu ye med/ 'on kyang gang smras kun shugs che ba dang / gang byung sba gsang med par thams cad kyi sngon du smras gtong ba bdag rang gi srol rang byung bcos su med pa yin zhing / don la mthar thug chos kyi blo phugs sprang la gtad yod pas/