[A:223]chos mthun gyi bzhed dgu mtha' dag lhug par stsal bas thun mong gi dngos grub sna re tsam du zad do/ /rdo rje'i chos skyong phyi rol grags pa'i gzugs/ /rgyud gsum rang sems gcig nyid kho na la/ /srung dang bzlog pa la sogs med mod kyang / /ma rtogs 'khrul pa'i snang ngor phyi rol shor/ /rtogs na de dang de 'dra'i dgos pa shar/ /kun gyis ma go lkugs pa'i tshul du bzhugs/ /dpa' bo gur mgon nag po de nyid dang / /khyab bdag he ru ka dpal gang de la/ /tha dad mi 'dug gdod nas gcig nyid do/ /de nas zhabs drung yang sku mtshams grol byung / bdag gis kyang grol te gzims chung du gtang rag gi bskang gso dpon slob stabs gcig tu zhag gsum sbrel cig byas/ de grub 'phral dpon slob rnams zha lu la phebs thog rgyal nas zhal ngos bsu ba gnang / bsam rtser rin spungs zhal ngo dang mjal phrad dgyes dgyes gnang 'dug /bdag gis dpal sbug tu bsdad khyod rang sgrol dkar la tshe bsnyen cig gis gsung ba nas zla ba phyed gnyis tsam byas pa'i khongs su bogs 'byin pa'i zhi ba'i sbyin sreg dang bcas gegs med du grol/ gzhan yang 'di'i sbyin sreg sde pa'i sku rim sogs rang gi bar chad zhi ba'i sbyin sreg brgya lhag pa song zhing / de bar la bsnyen rtags sam gang yin kyang zhag bcu drug song ba'i rmi lam du/ thang yangs po 'jam la dkar ba'i sa gzhi la byang sems chos sku'i mchod rten/ sku gzugs kyi tsha tsha khri khrag du ma 'dug /de rnams la kunda ltar dkar ba'i na bza' gsol ba gral la rim par bsgrigs zin pa de la mchod pa sna tshogs 'bul/ 'di