[A:232]na mdung dar sna lnga du ma thogs pa zhig 'thon nas lcags ri'i rtse na tshur khor re 'khor ba dang lha rgyal gyi sgra tshangs pa'i gdan man chad mgul nus pa dang / dar 'phyar gyis nyi ma 'grib 'gro ba tsam byed kyin 'dug pa'i ngang nas gnyid sad/ bsams na dpal ldan dmag zor rgyal mo dgyes pa'i tshul gyis g.yul las rgyal ba'i rtags yin par go /de nas zhabs drung yang phebs byung / 'phral du shog gsung pas de 'phral phyin/ khyod kyi ma bsdad kyang tshab byas te/ rtse gcig tu sku rim la 'phungs 'tshub drag chen po byung 'dug ste mal yang ma spos 'dug pa sgor ma nas legs tshogs kyi dpe thub pa byung 'dug gsung / sku'i na bza' bzhes 'phro de 'phral gnang / dgyes dgyes kyi zhal ta mang po dang lhan cig sbags nas stsal bas blo bde phugs su phyug pa'i sprang po skyid do/ /de nas rang lo bzhi bcu pa stag lo zhabs drung dpon slob dpal zha lu gser khang la thegs song / bdag la bka' lung khyod rang khams la 'gro dgos pa 'dug pas khams gsum dbang du sdud pa'i phyir dpal tshogs kyi bdag po'i bsnyen pa byed dgos pa de bzhin gyis gsungs nas zla ba bcu gnyis pa'i tshes bco brgyad la rgyal phur byung ba dang bstun nas mtshams bsdams/ spyir khams gsum dbang du sdud pa'i dmigs pa lhag par gang dbang du bya ba'i gdul bya'i tshogs dbang du byed pa'i dmigs pa 'di ltar mdzod gsung bslab bya thun mong ma yin pa rnams mthar phyin par gnang / bka' lung bzlog tu ni ma bde khams la 'gro 'dod pa'i zhe blo rtsa ba nas