[A:233]ma byung / dbang sdud kyi dmigs pa khams dang gzhan zhig 'phos te byas pas/ gang bsams de nyid 'phral du sngon du gyur pa zhig byung ba 'og tu 'chad/ thog mar bsnyen pa'i lha bde mchog nas gsungs pa'i dpal phyag na rdo rje 'byung po 'dul byed kyi hUM bzhi pa la zla ba bzhi mtshams byas/ mtshams nang de nyid du zhabs drung phebs byung / yang rgyal dang phur bu 'dzom pa'i nyin phyag bris mdzad nas tshogs bdag gi sku thang gong gsham zla gam zhal sprod kyi dkyil 'khor gtor ma bshom lugs kyi dpe chung dang phyag nas tshun grub pa mdzad nas gnang / de nub nas gza' skar dang bstun tshogs bdag la bsnyen pa zhag nyer gcig byas gegs med du mthar phyin/ thun mong ma yin pa'i bris skus gtsos pa'i rten rdzas de rnams phyis su rje btsun dbon rin po che'i phyag tu rten 'brel bsgrig pa'i phyir du phul/ de bzhin legs tshogs gong 'phel du song / lar bsnyen pa gang byas kyang gegs kyi rnam pa gang yang 'ong ma myong ba dang / lhag par 'gab 'dre gnon pa sogs kyang ma byas/ gang ltar nged rang tsho'i brgyud pa 'di la brgyud 'dzin thun mong ma yin pa bdun tshun la tshogs bdag gi bsnyen pa byed na 'gab 'dre gnon mi dgos pa'i zhal bzhes rdo ring rin po ches mdzad 'dug pas 'di gcig pu'i sku drin la khyer ba'i thabs ma mchis so/ /brgya phrag 'tsho ba'i lus blangs dpag med kyi/ /dus kun lus srog 'byor tshogs ma lus kun/ /grangs med gcig tu bsdoms nas phul na yang / /drin la khyer thabs bral lo mkhyen brtse'i dbang / /lugs gnyis 'dod