[A:234]dgu'i drin gyis dus kun bskyangs/ /phyi nang rten 'brel ma lus khyod kyis bsgrigs/ /khams gsum srid zhi'i rgyal srid mi zad pa/ /'phral dang yun gyi dge mtshan du ma kun/ /nam mkha'i mdzod bdag glang chen gdong pa can/ /bcu gnyis phyag gi dpal 'byor rgyas par spel/ /bden gnyis don mtshon zhabs 'og ne'u le/ /nor bu'i 'phreng ba ma chad rtag tu skyongs/ /de lo rje btsun rdo rje 'chang blo gsal rgya mtsho zla ba bdun pa'i tshes bco lnga la chos dbyings su phebs/ bdag cag ltos bcas kyi dpon slob rnams kyis gsol 'debs la yongs/ bdag gis rdo rje 'jigs byed kyi dkyil 'khor zhal phye ba'i slob dpon gyi tshul byas/ zhabs drung tshogs chen gyi dbu la phebs/ bstan pa la rten 'brel bsgrig pa'i phyir legs tshogs 'gran pa'i khungs byas kyang bstan pa nyams 'gro ba'i rtags kyis don rnams ma 'grig pa zhig byung / de nas rang lo zhe gcig pa yos lo grang chen nas zhabs drung du 'dod chos zhu mi rje btsun bla ma'i bu slob dge ba'i bshes gnyen kha yar byon pa rnams la mgon po che chung gi phyi nang gsang gsum gyi 'khrid dbang lung rjes gnang dang bcas pa/ nA ro mkha' spyod kyi byin rlabs 'khrid tshul gnyis dang des mtshon pa'i zab pa dang rgya che ba'i chos tshul rgya mtsho lta bu'i zla ba dang po'i nang du dpal grang mo che nas bshes gnyen mang po sku gzhogs la byon 'dug pa rnams la chos 'dod kyi dbul ba bsal ba dang / lhag par dge slong 'od zer ba dang bdag nyid la thun mong ma yin pa'i zab gnad kyi gsung gi bdud rtsi du ma zhig gnang / de nas zla ba lnga pa'i