[A:238]shig byas/ de bar la A tsarYa zer ba'i phyag g.yog ngan pa dam pa nyid la yang log sgrub dang skur zhus kho na byed pa zhig bdog pas/ kho rang gis mchor yab 'dra mo zhig byas kha ngan gyi dgra g.yabs/ gnas gsar nas kyi sku gsung thugs la phog pa'i rnam pas/ kho ni rang srog rang gis bcad de tshe'i dus byas/ de 'drar brten pa'i nga yang gnas gsar ba'i mi ngor song ba nas gnas tshul ngan pa de'i rkyen gyis bdag gis kyang myug la log pha rgod sku drin can de'i sku gdung zhugs la 'bul ba sogs kyi zhabs tog byas/ shing skam rtse 'dzegs grogs ngan shugs kyis spun/ /gnas dang dam pa grogs bzang drung nas phyung / /rang yul bdud kyi btson rar yud tsam bsdad/ /dug gsum kha rlangs 'byung bzhi lus nyid la/ /ma rungs bzhi brgya rtsa bzhi'i nad kyi mtha'/ /dran pas gso ba 'joms pa'i rgyu las grol/ /snyigs dus bskal ngan 'tshogs pa'i zhing khams 'dir/ /chos kyi nyi mas mun rum kho nar byas/ /kye hud snyigs dus bstan pa nyams pa dang / /'gro kun skyabs dang bral bas sems nyid 'phyo/ /e ma chos kun sgyu mar ston pa'i 'jigs gzugs la/ /'khrul pa'i snang bas gdon du mnar ba de/ /bltas na rang sems chos skur ston pa'i gda'/ /yin par ngo shes skad cig de nyid la/ /bgegs dpung dpung chen phyi rol grags pa'i gzugs/ /gzugs stong stong par ston pa 'brel ba'i lam/ /lam mchog mchog gi skyabs su khyod kyis bstan/ /bstan pa'i mod la la mor mkha' spyod gshegs/ /de nas rang lo zhe bzhi pa rta lo bo dong la yong dgos gsungs nas rta