[A:239]bsu phyag dam nan chags dang bcas phebs byung bas phyin/ sleb 'phral byang gter gyi spyan ras gzigs nyon mongs rang grol gyi sgo nas skye bdun sgrub pa byed dgos gsung / de ltar zhag bdun tshul bzhin du bsgrubs pas sgrub gzhung nas bshad pa'i 'phel rgyas dang / bla ma dam pa'i thugs rje'i rtags rab 'bring cha tshang tsam byung / mkhan bslab gsum nas kyi dbu mdzad pa'i der 'dus pa'i tshogs la sgrub dbang rgyas par phul/ de lo mkhan po'i 'os rigs 'ga' re yod pa 'dug kyang / zhal ngo 'ga' zhig gi thugs bzhed du song / bslab gsum nas la mnga' gsol mdzad/ bdag nyid ni rgyal khams su snang ba gang bde byas 'dir snang gi dgon pa dang / dpon la brten pa'i bya ba las rje btsun thugs rje can de nyid la snying nas gsol ba 'debs pa la dga' snyam pa'i zhe bcad thun mong ma yin pa byas/ dgon gzhis kyi re ba blo las 'das kyang sngon du mtshams shig byas pa'i dus khams kyi gdul bya'i zhing khams dang / 'dzin dka' la phan thogs chung ba'i stag ste nyid go 'phos byas pas lan pa 'dra/ zhal ngo rnams kyi bka' lung tsha drag bzlog tu cung ma spobs 'jam dbyangs 'khon gyi gdan sa stag ste bla brang byed dgos pa byung / gang ltar de nas bzung lo brgyad tsam bdag bzung byas/ bya lo rje btsun thugs rje can de'i dgon rnying phra bo la zhig gsos byas/ gnas der sde pa'i sku rim la mtshams byed dgos byung / bla ma drag po'i mtshams lo gcig byas mkhan drung gsung ngag cig gnang gin 'dug pas