[A:160]khyad par dpal ldan lha mo 'dod khams dbang phyug ma nyid kyis/ khyod kyi mi brgyud chos brgyud dang bcas pa'i srung ma ngas byed do/ /zhes zhal gyis bzhes 'dug pa nas/ da lta bdag lta bu'i rjes su 'brangs nas lugs gnyis kyi dpal rgyun gong 'phel du rgyas pa'i 'phrin las yang dag mdzad pa 'di yin/ de nas slar 'bru dgon par phebs 'ja' lus rdo rje'i sku brnyes nas phung po lhag ma med pa'i chos kyi sku skye ba de nyid la brnyes so/ /de'i rjes su sku mched tshang mas sgrub pa kho na lhur mdzad/ de'i nang nas kyang sku che bas rgyal khang rang du sku rim phug pa kho na mdzad/ 'bru dgon pa nas zhabs sa la ma reg par bya ltar yar phebs mar phebs gnang / thang cig tsam na chos sdings dgon pa'i la kha de na pha bong chen po zhig 'dug pa de byis pa rnams kyis yur ba'i 'dam la rtsed mo byas pa ltar brdzis nas da lta'i bar du yang zhabs rjes legs dod kyi dpe thub pa 'jog pa gnang 'dug pa dang / des mtshon pa'i grub pa'i mtshan ma bsam pa'i ra ba las 'das/ gzhan yang rgyal khang gi mgon khang / chos rgyal 'phags pa nas bzung dpal ldan sa skya pa'i gdung brgyud rim pas ye shes pa yang yang du spyan drangs pa'i me tog gi char bab pa'i mgon khang du rgyun gyi thugs dam bskang gso sogs la bzhugs skabs/ rgyal mkhar rtse nas dmag dpung stobs shin tu che bas rgyal khang yang 'chor la nye bar thug /gzhan rang phyogs nas thabs byed mi ni ci yang med/ mgon khang nas rje nyid kyi thugs dam mtshan ltas sogs kyis dgongs/ dmag bzlog la dmigs pa'i gtor