[A:161]ma zhig 'phang ba gnang 'dug pas/ rdo rje chos skyong rnams kyi mthu stobs nus pa gcig tu dril ba'i gnam lcags thog gi 'phang gtor zur brgyad pa de nyid/ 'byung bzhi sogs gang la'ang ltos pa gang la yod/ rdo rje pha lam lta bu yang rdul du rlog pa'i nus pas/ gzhan rnga sil sogs kyi ban ling yang gang la dgos su 'dug /ting nge 'dzin rdo rje lta bu kho na'i ngang nas rtag gtor de mgon khang gi skar khung la gtad de 'phangs pas/ pha tshad de na brag rol pha bong sral le yod ba de'i gseb tu thogs med du thim nas da lta'i bar du'ang brag de la gtor ma'i shul gsal po kun gyis gzigs par yod cing / pha rol gyi dmag dpung de nyid rang phyogs nas sor rdo chung ngu gcig 'debs mkhan med par/ mtshan sgang de nyid la gar thegs med par song nas yul phyogs de nyid bde zhing skyid pa'i nyi ma shar ba yin te/ dam pa 'di kho na'i sku drin du 'khum mo/ /rdo rje thog chen phyi rol gzugs su shar/ /grub pa'i nus pa gnam lcags me dpung bzhin/ /bden pas ting 'dzin mthu yis gzi 'od kyis/ /btson rar chud pa'i skye bo phal cher spar/ /de nas thog gnyis tsam song 'dug ste/ de rnams kyis kyang sgrub pa kho na lhur len zhing nyan bshad sgom pa sogs du ma nas ngo mtshar ba'i mdzad pa rab 'byams shig 'dug ste yi ges 'jigs pa dang kun gyi rna bar mi 'dzul bas re zhig zom me bzhag /de'i rjes su shangs kyi dpal sna nang so'i sras mo khab tu bzhes pa gnang ba'i sras su bdag gi pha de nyid sku 'khrungs/ 'di ni byis pa'i dus nyid na rgan po'i