[A:10]yod pa thams cad kyang birWa pas bshig gis dogs nas rang rang gi lha rten gyi spyi bor sangs rgyas kyi sku dang mchod rten la sogs pa bzhag go /de la gzigs pas rang gi ming gis kyang sangs rgyas kyi bstan pa la bya ba byas par yang dgongs so/ /de nas lho phyogs kyi rgyud de nyid na ljon dmar las byas pa'i dbang phyug chen po'i rten taM pa pra ti ma bya ba cig la ma he brgya phrag re tsam bsad cing mchod pa byed pa cig yod pa de'i rkang pa la rdog pa gcig brgyab nas phar 'dong gsungs pas de langs te phyi la khrid pa dang / mu stegs pa rnams skrag ste gsol ba btab pa dang / slob dpon gyis ma he mi gsod par 'bras chan la sogs pas mchod pa byed na gzhag gi /de ltar mi byed na mi 'jog gsungs pas/ de ltar khas blangs te sngar gyi sar bzhag go /de nas shar phyogs suu sa ha dza de wI zhes bya ba rang byung gi tri shU la dang / lha mo tsanti ka'i rang byung gi rdo sku yod pa la phyi rol pa'i rnal 'byor ma rnams kyis mi der khrid pas rang byung gi tri shU la lkog ma la zug nas 'chi/ de'i sha las tshogs kyi 'khor lo byed pa yod pa de'i sar slob dpon dpon g.yog gsum gyis byon pa dang / rnal 'byor ma rnams za bar 'dod nas tshogs khang gi nang du bos pas slob dpon gyis g.yog po gnyis la dbugs phyir rgyur ma gzhug par nang du sdoms la sdod cig gsungs nas/ slob dpon nyid nang du byon pa dang / rnal 'byor ma de rnams na re/ khyod kyi grogs po gnyis po gar song zer/ phyi rol na 'dug gsungs pas/ tshur khug zer/ de khyed rang khug gsungs pas/ khong gi bos pas kyang skad med 'dzug gu sug byas pa'i shul na chur dbugs ngan su su/ dri chen 'bur 'bur byung bas 'di rul nas 'dug zer log pa dang / tri shU'u la de 'dar yed yed 'dug pa dang / slob dpon gyis thal mo cig brdabs pas de phye mar sil gyis song ngo / /de nas lha mo tsanti ka'i sku de par par 'dug pa la spyi bor thal mo