[A:7] sangs rgyas pa yin na wA rA Na sIr gnod pa skyel nyen yod pas bskrad dgos pas rtogs shig zer nas kun rtog tu bcug pas ma rtogs nas/ rgyal po'i drung du khrid la shog zer te khrid nas 'ongs pa'i lam du 'bu dang / phye ma leb la sogs pa'i srog chags mang po khar bcug kyang mi rnams ngan pa ngan pa zer/ kha nas spur bas kyang de skad zer bas/ slob dpon gyis srog chags mang po bsad kyang ngan pa ngan pa zer/ srog chags mang po gsos kyang ngan pa ngan pa zhes/ bdag gi spyod pa ji ltar bya ba ma shes so zhes gsungs te/ rgyal po'i drung du byon pa dang / rgyal pos gang yin yang dang yang du dris pas/ lan ci yang ma byung bas/ rgyal po na re/ 'di la dbang phyug chen po'i yon tan nam rtags gang yang mi 'dug pas/ rkang lag lcags sgrog gis sdoms la chu la skyur cig zer nas/ de ltar byas te bskyur bas yang rgyal po'i drung du byung / yang dang yang du de ltar byas pas log gin byung ste/ de lta bu'i spyod pas 'gro ba rnams rdo rje'i theg pa la bkod do/ /de nas lho phyogs su bi me sa ra 'dul du gshegs pa'i lam khar ganggA'i 'gram du byon te ko mkhan la sgrol zhes gsungs pas/ rngan pa slongs zer bas/ khyod tshim par bya ba'i zhes gsungs te/ chu bo 'di don du gnyer ba yod dam med ces dris pas/ 'di res che bar don du gnyer/ res chung bar don du gnyer bas chung bar 'dod ces brjod do/ /de nas slob dpon gyis khyod la chu bo rang sbyin gsungs nas sdigs mdzub mdzad nas chu bo gyen la log pas/ de'i tshe ganggA'i 'gram na rtswa khyim pa mang po yod pa de rnams nub la khad par song bas thams cad 'jigs shing skrag par gyur te/ ko mkhan gyis 'dis byas zhes brjod pas thams cad skrag nas la las ni nor bu/ la las ni gser/ la las ni dngul/ la las ni ba lang / la las ni 'bru/ la las ni me tog gi phreng ba phul zhing