[A:9]byed kyi/ dbang phyug chen po'i lha rten la phyag ma byas pas mi thams cad the tshom du gyur te rgyal po la smras pas/ ral pa can lnga brgya'i dpon yin pa legs par sbyar ba'i skad la shin tu mkhas pa cig lha rten la phyag mi byed pa mi srid pas khyed rang phrag dog byed pa yin te 'ong zer nas ma nyan/ de nas yang dang yang du bsnyad pas rgyal po the tshom du gyur te/ mchod gnas rnams spyan drangs nas thams cad lha rten la phyag byed dgos zer nas gzhan rnams kyis phyag byas pas slob dpon pusti la phyag byed kyin 'dug pas/ rgyal pos lha rten la phyag gyis byas pas/ ngas 'di la phyag byar mi btub ste lha 'dis bdag gi phyag mi thub ces gsungs pas/ rgyal po na re 'di 'dod pa'i khams na che ba yin pas phyag 'tshol zer/ de nas lha rten la rgyal po sdig can gyis bdag la mi 'tshal ba'i dbang med kyi lha khyod bzod par bzhes shig ces brjod/ de thal mo g.yas pa dpral bar bzhag nas/ na mo buddha ya zhes brjod pas lha rten sum cha yan chad gas/ mgrin par bzhag nas/ na mo dharmA yas sum gnyis yan chad gas/ snying gar bzhag nas/ na mo saM ghA yas thams cad gas/ der phyogs bzhi nas phyag byas pas lha tshal ba bzhir gas so/ /de nas rgyal po 'khor dang bcas pa shin tu skrag par gyur nas zhabs la 'jus te slar gso bar gsol ba btab pas/ phyag gis lingga bsdus te spyi bor thugs rje chen po'i sku rdo las byas pa'i nag po zhig bzhag nas/ 'di la phyag dang mchod pa dang bskor ba gyis shig /gal te thugs rje chen po'i sku 'di bsal ba'am phyag dang mchod pa ma byas na lha rten 'jig par 'gyur ro zhes bsgos nas lho phyogs su gshegs pa dang / der bzhud pa'i dus su ral pa can rnams kyi nang nas gcig phyir 'brangs pa slob dpon nag po pa'o/ /der bzhud pa'i lam na phyi rol pa'i lha rten