[A:351]bstan pa rin po che 'phel rgyas su 'gyur nges kyang yong gin yong 'dug pa'i skabs su/ dam pa 'di nyid kyis bzhugs gral so sor chos tshul mtha' yas pa la lung rigs gyi bgro gleng dal brel snyoms la 'jebs chags mtha' chod/ mkhas pa thams cad yid 'phrog pa 'ba' zhig byung ba la brten/ de skabs kyi rab tu byung ba bla ma slob dpon bka' rab 'byams smra ba dang / khyim pa paNDi ta'i tshogs thams cad ha las te mgrin gcig tu bshad pa dang / rigs lung gi rnam dpyod zer ba de rin po che ngag dbang pa'i de 'dra la zer ba yin zhes kun gyis gleng ba byung 'dug cing / phyis nas dge bshes/ drung 'khor bgres thog bdag cag dang phrad pa rnams kyang de ka bzhin gleng mo byed kyin 'dug la/ byang chos rgyal des shin tu thugs mthong che ba'i slar ti shrir bzhes rtsis kyi de skabs byang pa rang gi ti shri dbu bla so sor rnam 'dren dam pa 'di la chos bka' rgya gang che zhus gsungs bskul ma gnang ba la brten/ dam pa 'dis kyang bstan 'dzin ngag dbang nyi zla bzang po la chos bka' kha yar dang / jo nang thams cad mkhyen pa rje btsun kun dga' snying po la ne gu'i dmigs rim dang / dbu ma'i lta 'khrid gsan/ mkhan byams pa bzang po la rta mgrin yang gsang gi dbang gsan/ mus chen 'khor lo sdom pa sangs rgyas rgyal mtshan gyi drung du kye rdo rje bka' bab bzhi'i dbang / 'khor lo sdom pa lo nag dril gsum gyi dbang 'khrid rgyab chos kyi lung / bde mchog dkar po'i 'khrid dang bcas pa gsan