[A:352]cing / bde mchog nag po pa dang / dkar 'khrid kyi zin bris gnang ba'i yig cha yang dag pa'i rgyun yang yod lags/ grub ris mkhas grub 'gyur med bde chen gyi zhabs drung du dpal dus kyi 'khor lo'i bdag po chen po'i dbang yongs su rdzogs par gsan 'dug /mdor na byang chos kyi rgyal po de nyid thugs gting nas mos pa'i stobs kyi phyis chos rgyal de nyid bsnyung gzhi dam pos bcings skabs rkyen sel gyi chos bka' gsan par bzhed nas spyan 'dren bka' tham yang yang byung 'dug par dam pa de nyid kyis spyir chos kyi rgyal po khyed bka' drin can yin pas phyag phyi sgrub dgos rgyur 'dug na'ang / mtshams 'di dang thug pa'i 'grub pa zhig kyang ma byung / phyag phyi de yang sku khrus 'bul ba sogs mchod gnas kyi tshul sgrub pa ma gtogs/ rkyen sel gyi dbang 'bul ba sogs kyi bla ma bdag lta bus yong ba'i rigs min zhes zhu ba gnang 'dug /de ni skabs de rang thugs chung ba'i dman sa mdzad pa lta bu la chos rgyal de nyid bsnyung gzhi de'i mu nas ma bzhugs 'dug pas ma 'ongs pa mkhyen pa kho nar 'dug go /de'i gong dgon gsar du bzhugs pa'i skabs shig /shar pa shes rab 'byung gnas/ rdo rje 'od zer/ ye shes chen po/ ye shes rgyal mtshan sogs sa skya pa'i bstan 'dzin gyi skyes chen rim pa byon pa'i dbon rigs yongs rdzogs bstan pa'i mnga' bdag e waM chos ldan rdo rje'i khri la zhabs sen 'khod pa'i mkhyen rab dang / rnam dpyod spobs pa 'phrin las kyi 'od dkar srid pa gsum na g.yo ba bdag chen kun dga' bkra shis