[A:353]dpon slob rnams mang mkhar chab la phebs par dgon gsar du spyan 'dren zhu bar gnang / gsol tshigs sogs kyi zhabs tog phul phyin par gnang / tshe dbang grub rgyal ma/ dzam ser nag chos 'brel du zhu bar mdzad/ phyis e waM du bka' chos zhu ba'i snyan zhus 'bul ba gnang 'dug kyang / phebs grabs grub pa'i lan gnyis la 'dar nas sde pa tshor gdon gyi zhud kha thu mo byung ba'i sgor bskyil zhus pa'i phebs ni ma thub 'dug /dpon slob thugs yid gcig tu 'dres pa'i phyis khrom dbang gi brgyud rim la yang 'jam dbyangs kun dga' bkra shis kyi mtshan nges par 'jug pa gnang zhing / bdag chen de 'dra'i mkhyen rab dang rnam dpyod gsung dad gus shin tu che bar mdzad do/ /mdor na de dag gi skabs snga phyir mdo sngags kyi gsan pa dang / mkhas grub bsten pa gtso bor gyur pa'i thos bsam gyi sgro 'dogs dpyod tshul sngon gyi bla ma gong ma 'gran bral rnams kyis mdzad pa ji lta ba bzhin gnang 'dug go /gnyis pa de don bshad sgrub zung 'brel gyi sgo nas bstan pa rin po che ches cher gsal bar mdzad tshul ni/ 'dis sngon yang thos bsam dang gzhan don zung 'brel du mdzad mod/ gzhan don gtso bor mdzad tshul ni/ dgung lo so dgur phebs pa thun mong zhes pa lcags pho khyi lo dbyar chos thog byang nas chos rgyal chen pos mi sna bsko 'ja' rgyas pa dang bcas sde snod lung rigs kyi sgra dbyangs nyin mtshan khor yug tu sgrog pa'i thub bstan yangs pa can gyi chos grwa chen po rgyal ba mus rab 'byams pa thugs rje dpal