[A:367]grwa tshang mkhan po da lta kun spangs mdzad pa 'di dang khra mo'i slob dpon lung rigs kyi mkhyen pa rab tu rgyas pa rin po che mtha' yas pa/ sde snod 'dzin pa sde pa bla ma lags drung dang / gzhan yang grang chen dang / dgon gsar nas byon pa'i dge slong kha yar sogs brgya phrag lhag tsam la gsung ngag lam 'bras slob bshad smin rgyas/ sgrol ma nyer gcig gi rjes gnang / sgrub thabs brgya rtsa sogs mang po dang / dge slong blo gros rdo rje 'jam dbyangs dar rgyas/ bdag gi mched grogs chos grags dpal bzang sogs grwa pa kha shas la rab byung bsnyen rdzogs tshar kha yar mdzad/ lam 'bras grol 'phral gnas de nyid du rdo rje 'jigs byed kyi sgrub mchod 'dzugs pa gnang zhing thugs dam gtso bor mdzad pa'i lo mtshams bsdam pa gnang / lcags mo lug lo dbyar chos thog bzang ldan chos sde chen por mkhan rin po che dkon mchog pas thog drangs slob dpon so so 'dus pa rgya mtsho'i tshogs dang bcas pa la/ dpal ldan ngor pa'i phyag len dkyus bzhin gyi gsung ngag lam 'bras cha lag rags rim dang bcas pa/ sgrub thabs brgya rtsa/ rab byung bsnyen rdzogs mang po dang bcas pa gnang / kye rdo rje'i gzhi bsnyen gyi dam bca' 'bul mkhan yang shin tu mang bar byung 'dug /yang rting sor chos sde der byang khang gsar gyi byams chen spyan drangs pa'i gegs sel rab gnas sogs kyang dam pa 'dis mdzad/ de'i gong lo kha cig gi sngon du thub pa'i bstan pa phyogs thams cad du rnam par rgyal