[A:368]bar byed pa kun mkhyen go rams bstan pa'i nyi ma chos kyi rgyal po'i grwa sar/ de'i mkhan po gzhung lugs mtha' dag la 'chad rtsod rtsom gsum 'gran zla bral ba'i snyan pa srid pa gsum gyi bar du grags pa bshes gnyen chen po chos rnam rgyal gyis spyan drangs te/ mkhan po de nyid dang / khams pa slob dpon mdo sngags rig gnas mtha' dag gi gnyer kha ba mi 'jigs pa'i spobs pa can dge ba'i bshes gnyen ngag dbang bstan pa'i rdo rje/ de skabs kyi mnga' ris slob dpon kong ston mkhas pa'i dbang po grags snyan srid na sgrog pa don grub dpal bzang sgrub sde slob dpon bsod nams blo gros sogs/ dge ba'i bshes gnyen mkhan po slob dpon gyi dngos rgyu/ rgyu tshogs grangs tshang mang dag la kye rdo rje'i rgyud gsum kyi bshad bka' sogs chos bka' mang du gnang / de nas re zhig bla brang rdzong du sku mtshams dang / skabs su lam 'bras sogs chos 'chad kha yar gnang / grang chen nas rje dbon rin po che mgon po bsod nams mchog ldan dang / glang phu dpon slob la dkyil chog rdor 'phreng gi dbang tshar re gnang / yang mus rdzong dga' ldan dang / lung byung gnyis kyang zhal 'dzin gnang ste lam 'bras sogs chos bka' mang po re so sor gnang / lung byung du rgyud gsum gyi bshad bka' yang gnang 'dug la/ slar kong ston mkhas pa'i dbang po de nyid thub bstan mkhan thog tu phebs nas me mo glang lo la dam pa 'di nyid yang gdan drangs nas spyi sger du gsung ngag lam 'bras cha lag dang bcas pa/ mgon po che chung gi