[A:376]gyi drung du 'bul ba'i ltas yin pa 'dra gsung 'dug pa rnams ni tshar pa chen po yab sras thams cad kyi rjes su bzung ba'i ltas su mngon la/ ma 'ongs mngon sum du mkhyen pa'i rtogs pa yang tshad med mnga' ste/ 'phral du bka' phebs pa la de mi legs bsam gsungs pa dang / de legs bsam gsungs pa thams cad thig bsgrigs bsgrigs 'byung ba dang / bsam 'grub tu gsung ngag lam 'bras skabs gtsang zhabs drung gis ngor nas bzhes pa'i gos sku bkram pa la sa skya'i chos skyong gi 'tshub yin tshul gyi skad cha sku gzhogs su 'phros byung bas de sa skya'i 'tshub min ngor nas dpal mgon zhal gyis 'tshub yin/ sde pa gtsang pas ngor pa dpon slob thams cad gos sku'i tshab 'di tsam thad ka yin/ dgongs pa yong ba'i cha rkyen zhig ma gnang na/ sngon rje rdo rje 'chang gis ngor gyi dgon pa'i cha shas thams cad dpal mgon zhal la gtad yod pas/ gos sku khyad 'phags de spyan 'dogs mdzad pa la 'tshub de min pa da rung chen po gzhan yong gsung ba dang / bdag gcig pu drung na yod pa zhig la sde ba gtsang pa la rta lo gsum gyi ring la dga' dga' la 'gro/ rta lo bzhi pa nas ming med yong zer ba'i lung bstan yod gsungs byung ba dang / zhing brje ba'i gong tsam la sku gzhogs la phyin skabs gtsang pa'i zhor ltas la rtse gdong zhabs drung tshor thugs bsun byung dogs blo rtse re yong gi gsung ba sogs ma 'ongs pa na thig bsgrigs bsgrigs byung ba'i mngon mkhyen yang mtha' yas/ bdag la gzhi bsnyen byed sa bdud lung gi rnam par song ba'i gnyid du song ma song gi 'tshams la ske