[A:377]bsdam yong ba'i nyams yang yang byung ba la bskyed rim dang / sbyin gtong gi dmigs pa kha re byed blo byas kyang phan chen po ma thogs/ lan cig ske bsdams pa de byung ba dang / 'dren mchog 'di nyid yid la dran ma thag grol zhing / de nas bar chad kyi mtshan ma de rang grol du song ba dang / gzhan yang zhal slob kyi rigs la gegs sel ba dang / ting 'dzin ma skyes pa skyed pa/ skyes pa bogs 'byin pa sogs grangs las 'das pa byung 'dug cing / mos gus dang snying rje yang tshad med pa mnga' ste/ rje btsun gong ma/ rdo rje 'chang ngor pa yab sras sogs dang / rtsa ba'i bla ma 'jam dbyangs dkon mchog rgya mtsho/ rje klu sgrub rgya mtsho/ mkhan chen dbang phyug dpal bzang / skal bzang 'gyur med bde chen/ rje bsod nams chos 'phel/ rtse gdong bdag chen khri chen mo/ rje dbang phyug rab brtan sogs bla ma so so'i rnam thar lo rgyus byung ba na spyan chab g.yo ba dang / mos gus kyi rnam pa dpag med mdzad cing / bla ma gong ma rnams la gsol ba btab nas lung zhu mdzad pa rnams kyang bslu med gdengs khel kho na 'byung la/ ston dus bsod snyoms par dngos po mang dag gnang nas sku chas mi las pa lta bu 'byung ste/ skabs shig grwa pa tsho chen mang dag sbrel nas byung ba rdzong bda' gnang ba'i rjes de ma thag gdong kha chos sde gra mang byung ba phyag mdzod rje drung lags la gra chen de la rdzong bda' des mi chog gsungs pas/ rje drung lags kyis da rang nas rdzong dgos mang ba'i 'di las mi 'dug zhus 'dug pas/ dam pa de nyid rang gis phyag mdzod la gzigs