[A:༤༠༧]གི་ལྷག་མ་ལྟ་བུར་གྱུར་ནས་ངེད་རྣམས་སུ་ལ་རེ་ཞེས་ནན་ཏན་ཆེན་པོས་གཤོལ་བཏབ་པ་ནི། ཤཱ་རིའི་བུའི་སྨོན་ལམ་དུ། ཧ་ཅང་ཕྱུག་པོའི་ཁྱིམ་དང་ནི། །དབུལ་པོའི་ཁྱིམ་དུ་མི་སྐྱེ་བར། །བར་མའི་ཁྱིམ་དུ་སྐྱེས་ནས་ཀྱང༌། །རབ་ཏུ་བྱུང་བ་བྱེད་པར་ཤོག །ཅེས་པའི་དོན་བཞིན་སྡེ་པ་གནས་གསར་བ་ཞེས་རྒྱལ་སྲིད་ཀྱི་སྙན་གྲགས་དང་རེ་དོགས་ཀྱི་དབང་གིས་རེ་ཞིག་སྐུ་རྟེན་བསྒྱུར་བ་སོགས་གཞན་དབང་མཐུ་བཙན་པས་མ་འགྲུབ་པ་བྱང་གླིང་རྗེས་ད་ལམ་སྐུ་ཆོས་གནང་མ་བཅུག་ཀྱང་ཕུགས་མཛད་དགོས་པ་ཡོང་གསུང་བ་མངོན་མཁྱེན་དུ་མཆིས། རིན་སྤུངས་ཞབས་དྲུང་ནས་བཀའ་ལུང་ལྕི་བ་དང་ཡབ་ཡུམ་གཉིས་ཀྱི་བཀའ་ནན་མ་བཟློག་པའི་དགོངས་པ་སྐོང་ཆེད་པ་རྣམ་དགའ་གདོང་གི་རྫོང་གསར་ཕག་རིའི་རྫོང་དཔོན་ལ་ཕེབས་དེ་དུས་གཙང་རོང་ཟློས་མཚམས་ཀྱི་གཙང་གོང་གཉིས་ཀྱི་དམག་གིས་ཕག་རི་རྫོང་ལ་བསྐོར་བ་རྫོང་རྩིས་སྤྲད་ནས་ཆོད་དང་བདག་རྐྱེན་ཆེན་པོ་འོང་ཞེས་ཀུན་སྤངས་དྲུང་གིས་ཞལ་ལེན་ཆེར་མཛད་པ་དེ་ཐོག་ཏུ་བསྐྱལ་ན་ཤོགས་ཆེ་བ་ཡོང་ངེས་ཡིན་འདུག་ཀྱང་སྡེ་དཔོན་ཅི་རིགས་ཀྱི་ལུགས་བཞིན་འཕྲལ་དུ་ཁེ་མཐོང་ནས་འདོད་པས་ངོ་ཚ་བསྒྲིབས་པའི་མནའ་དང་ལས་འབྲས་སོགས་ཕུགས་ཀྱི་ཉེས་དམིགས་ཐམས་ཅད་རྒྱབ་ཏུ་བསྐྱུར་བ་དེ་འདྲ་ཐུགས་ལ་མ་བབས་པས་ངེད་རང་ཚོ་བཀག་པོར་འགྲོ་སྐབས་མགོ་འདྲེན་བདག་རྐྱེན་མཛད་མཁན་རིན་སྤུངས་པ་ཡིན་གཤིས་བསླུས་བརྒྱབ་ཚེ་ལུགས་གཉིས་ཀ་ནས་མི་བཏུབ་གསུངས་ཏེ་སྣ་ལེན་ཙམ་ཡང་མ་མཛད་པའི་དུས་ཕྱག་སྤྲེལ་གྱི་རྫོང་དཔོན་པ་རྣམ་རྫོང་ཤར་པས་དུས་ངན་སྐྱེ་བོའི་སྤྱོད་ཚུལ་མངོན་སུམ་དུ་