[A:༤༣༤]མ་ཐུབ་པར་ནང་པར་འདོན་དགོས་པ་སོགས་ཀུན་གྱི་མངོན་སུམ་དུ་གྱུར་པའི་རྟགས་ངོ་མཚར་བར་མ་ཟད་གཞུང་ནས་བཤད་པའི་མཚན་མ་ཕལ་ཆེར་རྫོགས་པ་བྱུང་ཞེས་ཉེ་འཁོར་བ་རྣམས་ལ་གསུང་གླེང་མཛད། དེ་སྐབས་མགོན་ཁང་གི་རུ་འདྲེན་སྡེ་བཞིའི་བུད་མེད་མདུན་ལ་ཤིན་ཏུ་རྔམས་པའི་ཚུལ་གྱིས་བྱོན་ཏེ་ཞབས་གཡོན་བགྲད་པ་དང་ཕྱག་གཡས་ཀྱི་གྲུ་མོ་སྐྱ་ལ་རེག་པར་དུས་རྒྱུན་གྱི་བསྐང་གསོ་བའི་རྔ་ལྕག་འགེལ་བཞིན་པ་ལ་དེ་དགོངས་སྔར་ལྟར་བཞག་པ་ས་ལ་ལྷུང་བས་ཅི་ཡིན་བསམས་བལྟས་པ་ན་ཕྱག་སྐྱ་དང་བྲལ་ནས་གཅུས་པར་ཤེས་ཤིང་དིང་སང་གི་བར་དུའང་མཐོང་ན་མི་མཐུན་པ་མེད་པར་ཡོད། མཁན་རིན་པོ་ཆེའི་དུས་རྣམ་སྲས་ལྷ་ཁང་གི་གཙོ་བོ་སེར་ཆེན་གྱི་སྐུ་ཙམ་གྲུབ་ནས་འཕྲོར་ལུས་པ་ཆུ་སྟག་འཁོར་རྟ་བདག་བརྒྱད་དང་མདུང་དམར་ཅན་ཕྱག་མཚན་བཞི་པའི་སྐུ་ཡང་ལྷན་ཅིག་པར་བཞེངས་ནས་རབ་ཏུ་གནས་པས་ཡེ་ཤེས་སེམས་དཔའ་ཞུགས་ཉམས་ཀྱི་ཞལ་དཀྱིལ་ལ་རྡུལ་མི་བཞེས་པ་དིང་སང་བར་དུ་མཆིས། སྔར་སྔགས་འཆང་རིན་པོ་ཆེ་བསོད་ནམས་ཆོས་འཕེལ་གྱིས་ཕུགས་ངེད་ཀྱི་གདན་ས་འདི་ཡང་ཁྱེད་ཀྱིས་མཛད་དགོས་ཡོང་ཡང་ཡང་གསུང་བ་དང༌། ཉེ་ལམ་བཀྲ་ཤིས་ཆོས་སྡེར་མཁན་པོར་ཕེབས་པའི་ཉེར་བསྡོགས་དུས་ད་རེས་དབུས་སུ་ཡུན་རིང་མ་བཞུགས་ཞེས་བསླབ་སྟོན་སྩལ་བར་བརྟེན་གཙང་ལ་ཆིབས་ཁ་བསྐྱོད་པའི་ཞོར་ལམ་དུ་ཚེ་ཆུ་འབུམ་པ་མཇལ་བར་ཕེབས། དགུན་གྲང་དུས་ལས་ནམ་ཟླ་དྲོ་བའི་དུས་ཚེ་ཆུ་ཆེར་མི་ཕེབས་ཀྱང་དེ་དུས་བབས་ཏེ་དཔོན་སློབ་ཐམས་ཅད་ཀྱིས་བཞེས་རྒྱུ་བྱུང་བ་ནི་བྱིན་རླབས་དང་སྐུ་ཚེའི་རྟེན་འབྲེལ་ལོ། །དེ་ནས་ཞ་ལུར་ཤར་རྒྱག་ཕེབས། དེ་དུས་ཁྱབ་