[A:༤༨༡]ཁོར་ཡུག་ལྟ་བུ་ཡིན་ནའང་རྒྱུན་གྱི་ཉམས་བཞེས་བསྙེལ་ཐོ་འདི་ལ་སྲོད་ཐུན་ཐོར་ཐུན་གྱི་དབྱེ་བ་མི་གསལ་ཞིང་བར་མཚམས་ནས་ཧོལ་ཁོང་ཕྲན་བུ་ཡོད་ཤས་ཆེ་ཡང་ཐོ་ནང་བཞིན་བཀོད་པ་ལ། ཐོག་མར་གཉིད་སད་འཕྲལ་ལྕེ་བྱིན་རླབས་ཀྱི་བཟླས་པ། སེང་གེ་སྒྲའི་མངོན་རྟོགས། བཟླས་པ་སུམ་བརྒྱ། ཐུགས་རྗེ་ཆེན་པོའི་མིག་འབྱེད། རྣམ་འཇོམས་གསང་སྒྲུབ་ཀྱི་བཟླས་པ་ཉེར་གཅིག་ཙམ། འཇམ་ནག་བཟླས་པ། དེ་ནས་རྡོ་རྗེ་འཇིགས་བྱེད་ཀྱི་བླ་མའི་རྣལ་འབྱོར་སྔོན་དུ་བཏང་བའི་བསྐྱེད་རྫོགས་ཀྱི་རྣལ་འབྱོར། རྡོར་བཟླས་བརྒྱ་རེ། སྔགས་གསུམ་པོ་བརྒྱ་རྩ་ལ་ཉུང་མཐའ་བྱས་པའི་གང་འགྲོ། བིར་སྲུང་ཉིས་སྦྲེལ། དཔལ་ཀྱེ་རྡོ་རྗེའི་ལམ་དུས་འབྲིང་པོ། ཚེ་སྒྲུབ་ལྕགས་སྡོང་མའི་བཟླས་པ་བརྒྱ་རྩ། དཀར་ཆ་བཞིའི་གཏོར་མ་སོགས། ཁྲོ་བོ་སྨེ་བརྩེགས། ཁྲོ་མོ་སྨེ་བརྩེགས། རྙིང་མའི་ཁྲོ་བོ་སྨེ་བརྩེགས། ནེ་གུའི་སྒོམ་ཐུན། རྣམ་འཇོམས་ལྗང་སྔོན། གུ་རུ་ཞི་བ། གུ་རུ་དམར་ཆེན། མཐིང་ཁ། དྲག་དམར་པདྨ་ཚེ་དབང་རྩལ། རྟ་མགྲིན་ཚེ་སྒྲུབ་ཉེ་བརྒྱུད། ཡེ་ཤེས་འོད་མཆོག །རྫོང་ཆེན་མ། འཁོར་བ་དོང་སྤྲུག །བཀའ་བརྒྱད་དྲིལ་སྒྲུབ། འཇོམས་བྱེད་ཕུར་པ་སྤུ་གྲི། ཟབ་ཐིག་གི་རྟ་མགྲིན་ཚེ་སྒྲུབ། ཕྱག་རྡོར། སྟོབས་པོ་ཆེ། དེ་ནས་བཟང་སྤྱོད་སྔོན་དུ་འགྲོ་བའི་སེམས་བསྐྱེད་རྒྱས་བསྡུས་གང་རུང་རེ་ལེན། ཨ་ར་པ་ཙ་ན། འབྱུང་འདུལ། ཨུ་ཙ། གོས་སྔོན་ཅན། གཏུམ་པོ། རྟ་མགྲིན་གསང་སྒྲུབ། འགྲོ་བ་ཀུན་སྒྲོལ་གྱི་གཟུངས་གང་མང་དང་བཅས་པ། བླ་མ་ཡབ་སྲས་ཀྱི་སྐུ་བསྟོད་རྣམས་སྔོན་དུ་འགྲོ་བའི་རབ་ཡངས་མ་བརྒྱ་རྩ་ལ་ཉུང་མཐའ་བྱས་པའི་གང་འགྲོ་སོགས་ལམ་