[A:489]sogs dkyil 'khor chen mo rnams lcogs mdog ma kha bas ayon sgrub pa kho na la dril lam dgongs pa'i nub cig mnal lam du kye rdo rje'i thugs kar slob dpon chen po bzhugs 'dug pa gsal bar shar bas mnal sad tsa na gcig tu bsgril na mi legs par mkhyen te mya ngan las mi 'da' ba'i bar du lam dus thun gnyis ma chag par mdzad ces rje bka' 'gyur ba chen po gsung / shing phag lor ri phug nas khyab bdag rin chen bsod nams mchog grub kyis mjal bar phebs dus gsung gleng mang du gnang ba'i mthar phyag mtheb ker te rin po che nu ro la zhes rje zha lu pa'i phyag nas 'jus 'phreng tshul gyi chos dang 'brel ba'i zhal gdams mtha' yas pa gnang nas dgyes dgyes mdzad/ de'ang rje btsun rdo ring pa chen pos chos rje rdo rje 'chang gis kyang don lnga las ma bzhugs kho bo don bdun gyi khar slebs bla ma bdun cu rtsa gnyis kyi thugs zin pa sogs sku tshe 'di'i bzhed pa mtha' dag lhun gyis grub nas zhing khams gzhan du gshegs pa la spro ba'i tshul rnam thar du gsal ba dang mtshungs pa'i dgung lo yang mthu stobs kyi dbang phyug bsod nams chos 'phel dang snyoms pa'i don brgyad du phebs pa dang de bar rgyal bstan spyi dang bye brag bdag chen rdo rje 'chang blo gros rgyal mtshan yab sras brgyud par bcas pa'-i ring lugs rgyal tshab rin po che 'jam mgon bsod nams mchog ldan gtso bor gyur pa'i bstan 'dzin rnams kyi phyag tu legs par 'phrod pas rnga yab dpal gyi ri bor sangs rgyas gnyis pa ayon chen po'i 'dus pa'i