[A:490]'khor gyi gral du bsgrig par spro ba dang zla ba gcig las gzugs brnyan 'bum phrag mtsho rdzing du 'char ba ltar dag pa dang ma dag pa'i zhing khams mtha' klas par sems can gyi don rlabs po che mdzad par dgongs te 'dzin byed ces pa me pho byi ba'i lo'i chu shel gyi dbang po smin drug gi dga' ma dang rtse ba'i dkar cha'i bzang po'i nyi ma nub rir gzhol ba'i tshe gzugs sku mtshan dpe'i dkyil 'khor chos sku'i klong du sdud par mngon du phyogs pa'i rlung gi 'gro 'ong rgyun chad pa na khyab bdag bka' 'gyur ba chen pos sku la 'jus nas gsol 'debs gnang bas gsos pa lta bur spyan hur gyis gzigs te da lta rdo rje 'chang tshar pa chos rje dang thams cad mkhyen pa gnyis bkra lam gyis phebs byung bar rang sems bla ma'i thugs dang dbyer med bde ba chen po'i ngang la cham mer 'gro ba de sad pa zhig byung phebs pa mkhan chen yol ba gshegs gdong sde pa dngos grub rdo rjes gsung chen po'i gsol 'debs kyi thugs dam sad de/ bka' las/ de min na steng gi mthongs dkar 'gram 'dir rin po che tshar pa phebs byung ba la gsol ba btab pas sku de rdo rje 'chang dngul chu'i mdog lta bu zhig tu gyur par mthong ba'i mod la rig pa thim pa byung bas de'i ngang du song na don chen po grub pa las 'gyangs te zhag bcu'i bar nad kyis mnar ba'i lus 'di la sdod dgos par 'dug /ces pa dang phyogs mtshungs pa'i thugs dam sad par snang / lo grangs de tsam zhig khyed kyi thugs dang bstun yod da cha de 'dra mdzad gzhan 'dra/ 'on kyang khyed la ltos bcas mtha' dag byang