[A:491]chub kyi bar du rjes su 'dzin no zhes zhal gyis bzhes nas snang mched thob gsum gyi mthar 'chi ba 'od gsal chos kyi sku'i ngang du thugs dam la zhag gcig gi ring bzhugs/ dgongs rdzogs kyi grabs yul thugs gra 'grig mi 'grig khyad nas zhag 'ga' zhig gsang ba'i tshul gnang / rje bka' 'gyur ba chen po sang phyi dro gdung mjal la phebs shin tu 'dod pa byung bas byon pa dang thugs dam grol ba 'grig /shangs g.yas nas byang sems dkar po khyor ba gang tsam phebs pa zhal du mchod pas nyams rtogs kyi bogs lhag par che zhing rdo rje 'chang kun spangs chos rjes me tog 'thor ba'i dus sku khams zags te bzhugs stan steng du 'khyil ba tshar chen chos kyi rgyal pos lhag med du bzhes pa snyan brgyud kyi bstan pa zin pa'i rten 'brel 'grig pa dang dbyibs 'dra bar mchis/ rje bla ma'i gdung khang gi g.yas su thugs dam rten gyi kye rdor gyi sku zhig yod pa zhal thad sor bsgyur rung sku gdung rin po cher lan gsum 'chus pa byung / zhing brjes pa'i nyin nas rlung phra mo tsam gyis 'gyu ba 'gags te nam mkha' mthing zhun ma'i mdog ltar sngo la ston gyi rdul bral bzhin dngas par lha'i tshogs kyis me tog 'dab ma bzhi pa dang lnga pa sogs yu ba ldan pa'i char bu yug lta bur 'tshubs/ shel la mtshon ris kyi kha dog bsgyur ba 'dra ba'i dbang po'i gzhus phyogs kun tu dkris/ ched du spar ba'i spos dud kyis bskrun par mi nus pa'i gdung yid bzhin gyi nor bu las sngar ma myong ba'i dri phun sum tshogs pa ldang ba sogs ngo mtshar ba'i dge mtshan ji snyed pa byung / dpal kye rdo rje man ngag lugs kyi dkyil 'khor la brten nas