[A:494]mda' yis rnying phug pas/ /yid dbang rnal du ma gyur smra brjod 'gas/ /yid mang mnar byed duHkha'i tsher ma de/ /yid can 'dren mchog gsol btab mthu des phyungs/ /mtshungs med bla ma'i sras kyi thu bo mchog /rings lugs pha mthar spel ba'i zha lu par/ /byang chen bar du rjes 'dzin brda thabs su/ /tha ma'i gsung gi gnang ba ci yang stsal/ /kye ma mgon khyod thugs rje nyin mor byed/ /'char nub spangs kyang skal ngan 'gro ba'i ngor/ /dam pa'i chos kyi snang ba 'od po che/ /bzhud pas stug po'i smag gis khyab 'di skyo/ /sA la'i ljongs 'di'i skye rgu yongs bor nas/ /brtse med mkha' spyod gshegs la ngo mtshar ltas/ /blo brid 'di la dga' bar sems pa rnams/ /ma gas snying de lcags kyi gong bur zad/ /rnam kun mchog ldan zung 'jug phyag rgya cher/ /dang po'i mgon por bzheng la ltos min kyang / /'gro ba'i tshogs chen rdzogs slad rgyal tshab rjes/ /kun bzang mchod sprin mkhar ngos dog por bkang / /zhing 'dir gzugs sku'i ri bong rab btang yang / /cha shas nyer gang snying rje'i zla dkyil ngos/ /lhag bsam ri dwags snang brnyan rtag 'char ba'i/ /ngang tshul 'di la bsam skyin rtse dga' rgod/ /de ltar dus gsum sangs rgyas thams cad 'dus pa'i ngo bo rigs dang dkyil 'khor kun gyi khyab bdag drug pa rdo rje 'chang chen po'i thun mong ba'i gdul bya rnams kyi snang ngor ngur smrig gar gyis rol pa mkhas pa dang grub pa'i 'khor los sgyur ba rje btsun dbang phyug rab brtan bstan pa'i rgyal mtshan dpal bzang po'i rnam par thar pa ni rgya mtsho chen po ltar gting dpog par mi nus na bdag 'dra'i blo dman tshogs kyis tshang bar brjod pa ni lta ga la zhig /'on te cha shas tsam gyis zin bris gnyis gsum snang ba'ang phan