[A:495]tshun go bsdur tshe lo zla sogs nor 'khrul 'ga' zhig mchis pa mi thog brjes pa'i rgyus yod kyang dkon gshis dri yul yang cher mi 'dug mod 'on kyang rin po che yol pa ba/ mkhan chen bslab gsum rgyal mtshan/ sngags 'chang chen po bsod nams chos 'phel gsum gyi rnam thar la zhib tu dpyad/ khyab bdag zha lu par thugs rgyus mnga' ba rnams la dri mal zhus/ rdo rje 'chang bka' 'gyur ba'i gsung bgros thor bu blo zin pas brgyan/ dus tshes sogs nges pa dang gtan tshigs kyis bsgrub rung gi steng du bag la nyal gyi tshogs kyang rung mthun sbyar te bris pa spyir so so skye bo 'khrul pa'i rang bzhin can yin par ma zad sa bon ha cang mi gsal ba sogs nas nongs pa'i tshogs yod na'ang bla ma tshad ma'i dus kyi brgyud pa la phan pa'i lhag bsam gyis bkod zin to/ /blo 'das gdod ma'i mgon po chos sku'i dbyings/ /mtshan dpe'i dpal 'bar longs sku rta ljang can/ /sprul sku'i 'od zer 'gro ba'i bsam pa dang / /'tsham par spro ba'i pha mtha' gang gis rnyed/ /'on te dbang phyug yon tan brgyad ldan pa/ /mkhyen rab nor 'dzin bu mo'i mngal yangs por/ /lung rtogs yongs 'du'i rtsa ba ches brtan pa'i/ /sgyu 'phrul gar las 'dod dgu'i gru char phob/ /snying po'i tshad ldan yang srid bdag chen rje/ /snyan brgyud chos kyi nyi ma rdo ring pa/ /slob bshad shing rta'i srol 'dzin tshar pa rje/ /rnam gsum bstan pa'i ched du khyed byon snyam/ /mkhyen brtse nus pa'i dbang phyug bla ma de'i/ /gdung 'tshob bstan pa'i rgyal srid nyer bskyangs te/ /bshad sgrub ring lugs dar mdzad gnas gsar pa'i/ /rtogs brjod zla bas snying gi zug rngu 'byin/ /khyod zhabs bsnyen pa'i