[A:409]nyes dmigs las grol te rang gi bsti gnas su phebs chog pa byung / dka' spyad chung ngu tsam gyis rkyen mi theg par dge sbyor la thang lhod mang du 'byung ba'i bzang por rlom pa mang po'i spyod tshul la brtags kyang ches brnag par dka' ba'i dus der rkyen ngan thog babs kyi dbang du mi 'gro ba ni ltar snang sde dpon gyi drung 'khor gyi sha tshugs can la snang ba thams cad bde stong gi rol par 'char ba'i rnal 'byor gyi dbang phyug chen po ste/ rdo rje 'chang kun spangs chos rje dgung lo so bdun bar sne'u sdong rtser bzhugs pa yan chad la'ang thams cad mi dge ba'i las lam cung zad tsam gyis ma gos shing gzhis ka rtse'i zhol du rlung sems dbu mar chud pa'i lam rtags sogs dpag par dka' ba'i rtogs brjod dang dbyibs mtshungs par mngon/ sku'i rgyan cha lugs khyim pa'i rnam pa can las tshangs par spyod pa'i brtul zhugs lhur len pa sogs sgo gsum bag yod kyi spyod tshul kho nas dus 'da' zhing dbang lung man ngag gsan pa phyag dpe'i 'dzin bshar thugs dam la rtsol 'don gyi kun tu spyod par gzhol ba la brten thams cad kyis bla ma lta bu'i mthong dang drung du 'khod nas chos dang 'brel ba'i gleng bslang la spro ba 'phel ba ni/ mgon po klu sgrub kyis/ nad kyi 'jigs pa ma byung zhing / /dam pa dag dang 'grogs par brtson/ /dman pa'i tshig ni ma smras pa'i/ /nyin gcig lo brgya bas kyang mchog /ces dam pa dang nyin gcig 'grogs pa dang skyes phal dang lo brgyar 'grogs pa'i khyad par gyi don du nges shing glang bu nas ma chen tshe dbang don grub ces rnam dpyod mchog