[A:410]tu yangs shing khyad par kha'u brag rdzong pa'i ring lugs la ldog tu med pa'i mos pa brtan po dang ldan pa des/ mkhan chen bslab gsum rgyal mtshan gyi drung du gur zhal gyi chos skor yongs rdzogs dgos tshul gyi snyan 'bul zhus pas dbang lung re mang gnang ba'i mtshams shig lhag ma rnams gnas gsar dbon rin po cher zhus gsungs pa sde pa'i thugs la/ dbon rin po che sku rten skya bo 'di 'dras gnang ba zhig cung mi yong ngam snyam pa la rjes sor zab chos mtha' dag lhug stsol zhus chog pa byung bas rje bla ma bslab gsum rgyal mtshan gyi gsung de mngon par mkhyen pa dang rje bla ma 'di nyid la mi phyed pa'i dad pa gting tshugs pas brgyud bcas sbyin bdag gi mthil du gyur/ zha lu 'jam dpal dbyangs byang gling pa bkra shis rgyal mtshan la bde mchog mkha' 'gro rgya mtsho sogs bu lugs kyi dbang 'khrid lung man ngag du ma gsan/ de'ang nye du dang 'bangs sogs srid pa'i phun tshogs la mngon par zhen pa rnams kyis 'bad pa du ma'i sgo nas bshol btab kyang rje bla ma 'di nyid tshangs pa/ brgya byin/ dbang phyug /'khor los sgyur ba'i dpal yang zag bcas kyi bde ba 'gyur ba'i sdug bsngal chu shing ltar snying po med pa'i rang bzhin du gzigs te thog ma nyid nas nges par 'byung ba'i dam bca' brtan po las cung zad tsam yang g.yos mi mnga' bas dgung lo so gcig tu pheb pa 'gal ba zhes pa sa mo glang gi lo rgyal bas cho 'phrul bstan pa'i bzang po dang po'i nyin gdan sa 'og srid gsum rnam par rgyal ba'i chos grwa chen por rta nag thub bstan rnam rgyal gyi khri pa mang thos sde snod gsum pa tshul khrims kyi dri ngad phyogs bcur khyab pa'i