[A:411]gnas brtan 'dul ba 'dzin pa mkhan chen byams pa rab brtan gyi drung du tshigs snga ma dge tshul gyi sdom pa legs par bzhes pa'i brje ba rnam pa gsum gyi skabs mtshan dbang phyug rab brtan bstan pa'i rgyal mtshan dpal bzang por gsol/ mgon po khro bcu'i rjes gnang sogs chos rnam grangs mang du gsan/ de nas ma 'gyangs par 'jam mgon sa skya pa'i gzhung lugs bye ba'i srol 'dzin kun mkhyen go bo rab 'byams pa bsod nams seng ge'i bsti gnas chos gra chen po thub bstan rnam par rgyal ba'i gling du don gyi slad du mtshan nas smos te yongs rdzogs bstan pa'i mnga' bdag gnas brtan 'dul ba 'dzin pa chen po byams pa rab brtan pas mkhan po/ khrims ldan ngur smrig 'dzin pa chos 'od zer gyis las kyi slob dpon/ gsang ston/ grib tshod pa sogs dad pa'i dge 'dun grangs tshang ba'i dbus su bstan pa'i rtsa ba so sor thar pa rigs brgyad kyi nang nas mchog tu gyur pa dge slong gi dngos por bsgrubs te legs par gsungs pa'i chos 'dul ba'i rgyal mtshan chen po shAkya seng ge'i ring lugs kyi ba gam mthon po'i rtse mor mngon par bsgrengs pa'i gnas brtan 'dul ba 'dzin pa nye bar 'khor gnyis pa lta bur gyur pa ni tshar chen gyi gsung las/ deng dus 'di na kha cig gzhan dbang gis/ /rang yul bla ma tshul 'chal dag la nod/ /gzhan dag bsams bzhin thag ring sar bgrod nas/ /chen po hor 'dra'i spyod tshul can la zhu/ /bdag gis tshe 'di'i ngo bsrung rgyab tu bor/ /phyi ma'i don chen 'ba'