[A:414]bzhi dang bcas pa mngon sum lta bur bsu ba'i gzigs snang byung bar phyag phyi ba g.yul rgyal sogs kyis bya nag zung 'brel gyis gshog gar dang skad snyan sgrog pa 'di mgon po'i phebs bsur 'dug ces gleng ba chos 'chad nyan mdzad pa po gnyis ka'i che bar mchis/ tshar chen yab sras kyi zhabs pad yun ring du bsnyen pas zab chos kyi bdag po mthu stobs kyi dbang phyug rin po che dgon gsar ba sngags 'chang bsod nams chos 'phel gyi drung du zla ba brgyad kyi ring gser chos dmar po skor gsum gyi rjes gnang chos skor/ mgon po zhal gyi rjes gnang / tshe sgrub srung 'khor dang 'brel ba'i khrid/ be'u bum rags rim sogs mdor na gdung brgyud rim par byon pa'i snyan brgyud tshad ma bzhi ldan gyi skor sngar rje bslab gsum par ma gsan pa'i 'phros rnams su ma zad sngar gsan rnams kyang bskyar bldab dang padma dbang chen yang gsang khros pa'i dbang / rta pod/ rdo rje 'jigs byed rwa lugs kyi dbang / rwa pod/ dpal 'dzin pod chung sogs zab pa dang rgya che ba'i gdams pa mtha' yas pa gsan cing mjug tu tshe dpag med lcags sdong ma'i dbang gnang ba'i tshe lo rgyus dang dngos gzhi'i mtshams su slebs dus tshe chang khol nas lud pa rje 'di nyid kyis mang du bzhes pa'i lhag ma rnams ril bur sgril ba 'bru sha'i sngags 'chang chen po 'di nyid nyams rtogs kyi yon tan phul du byung zhing sngags smyon bsam gyis mi khyab pa bgrangs pa'i byin rlabs kyis pha bla ma mkhyen brtse'i dbang phyug gis bstan pa'i bdag por rigs kyi dpon dam pa bcu phrag brgyad kyi bar du 'tsho zhing gzhes pa'i rten 'brel du