[A:413]'tshams sprin gos kyi 'dab gshog can/ /ngur khyu phal cher don med ca cos ngal/ /blo gsal gdams pa'i rgya mtsho dpag dka'i mtha'/ /mkhyen brtse'i rdzings kyis dbang phyug brgyad ldan gling / /bgrod nas dngos grub rin chen 'dren pa'i khur/ /'degs nus snying stobs tshul la khyab 'jug zhum/ /pad 'byung slar yang gangs can 'gro ba la/ /rjes brtse mchog gi sprul sku mnga' ris pas/ /theg dgu'i chos sgo phye tshe rgyal po dza/ /skyengs te 'og min zhing du bros sam snyam/ /ris med mdo rgyud chu phran kun btungs pas/ /yangs pa'i mkhyen rab lto ba ma khengs par/ /bslab gsum tshangs pa'i zhal sgo'i ril klung nas/ /phab pa'i snyan brgyud ganggA 'thung la brel/ /srid 'byor 'dod lhar sdang ba'i nges byung mes/ /rten 'brel lugs 'byung 'khor ba rags pa'i lus/ /bsregs te bag yod dbang phyug brgyad ldan lha/ /gtan mdun ral rtser thar pa'i zla ba tshes/ /mkhan chen bslab gsum rgyal mtshan mkha' spyod he ru ka'i grong khyer du me glang sku'i bkod pa bsdus par brten bstan pa spyi bye brag gi gsan bsam 'phror lus pa rnams gsan pa'i ched du/ sa glang bsam grub dgon gsar du phebs/ snyan gsan 'bul bar gnang ba ltar sngags 'chang rin po ches zhal gyis bzhes te rje 'di nyid zhag shas chos sgugs su bzhugs/ rin po che mtsho sgo ba'i rkyen sel la skor tsam byon nas phyir lam dgra jag gi 'tshe ba mang ba'i gangs dbar sla nga stongs la srung ma'i dbang po rdo rje nag po chen po gur gyi mgon po ru 'dren sde