[A:415]sems la/ mdor na bka' drin che ba'i bla ma zhig tu mdzad pas zhal gyi gsang khrid kyi yi ge las/ rgyal ba kun dngos khyab bdag rdo rje 'chang / /rigs brgya'i 'khor los sgyur ba'i zlos gar gyis/ /deng 'dir skye rgu'i don slad bshes gnyen sku/ /pha rgod sku drin dbang po dgon gsar ba/ /mgon de'i gsung gi gsang ba mi zad pa/ /zab rgyas snyan brgyud bdud rtsi'i rgya mtsho las/ /dad gus snyim pa'i bcud kyis bsdus pa 'di/ /skal bzang snying la grub pa'i dga' ston spel/ /zhes pa gsang 'khrid gcig pur ma zad zab chos gzhan la'ang sbyor rigs par mchis/ dbyangs can lha mos rjes su bzung bas mdo rgyud/ sgra tshad/ snyan dngags sogs rig pa'i gnas mtha' dag la mkhyen rab kyi spyan dkyus shin tu ring bas dus thog de nas dge'i dge ba'i bshes gnyen gzhan dag gis bsgrun du med pa thams cad mkhyen pa klu sgrub rgya mtsho zhes gsang chen slob bshad 'dzin pa'i shing rta pa chen po de la sgrol dkar dang dpal ldan dmag zor ma'i rjes gnang sogs chos bka' kha yar/ rje byams pa skal bzang la ne gu dang tshe dpag med grub rgyal ma'i bskyed rdzogs kyi khrid sogs chos mang ba/ rin po che stobs ldan 'od zer la 'dod rgyal gyi 'khor lo'i phyag len/ dza bir gyi bhrUr rlung sogs man ngag zab chos mang dag /thams cad mkhyen pa'i mchod dpon drung pa dkon legs par gsung 'bum nang gi chos sna 'ga' zhig gis mtshon pa'i zab don gyi chos bka' du ma rnams gsan/ sku rten skya bo'i