[A:417] sngar tshar chen gyis mkhan chen blo gros chos 'phags la rje mkhyen brtse'i dbang phyug mjal thub pa gyis gsung pa phyag tu ma khel ba'i ngang sku gshegs pa'i gshis bla ma'i bka' bzhin ma 'grub pa'i dam tshig skong byed du rje 'di nyid phebs dgos tshul zhus pa ltar skyed tshal 'og tu byon/ rje mkhyen brtse'i zin bris gshed dmar spros med kyi 'khrid yig de tshar chen gyis 'di la kho bos glo dgog pa mi 'dug pa ma gtogs tshig gi zur ma nyams pas lung byas chog cing tshigs bcad rnams kyang snyan po 'dug pas klog thong gsung mkhan chen par ljags lung gnang 'dug gshis 'khrid lung gsan/ rim gyis sna nam rdo rje bdud 'joms dang dpal ldan bla ma dam pa sogs kyi sprul pa'i zlos gar kun mkhyen 'jigs med dpa' bo'i bsti gnas gong dkar rdo rje gdan du phebs te gnas rten rnams zhib par mjal ba'i mgon khang du mchod gtor 'phrin bcol rgyas par gnang / rin po che klu dbang gling pa rnam rgyal bkra shis la dpal mgon zhal khra can gyi rjes gnang dang 'jam dbyangs nag po'i chos skor sogs gsan/ yang dag par rdzogs pa'i sangs rgyas mnyam med shAkya'i rgyal po sku bongs thog tshad tsam gser gyi lhun po la nyi ma 'bum gyis 'khyud pa'i gzi byin can mtshan dpe gsal la rdzogs pa dang / chos kyi rgyal po khri srong lde'u btsan gyi sku'i snang ba gsal bar gzigs/ de nas dpal ldan shangs pa bka' brgyud kyi chig brgyud rdo rje'i brgyud pa bdun ldan gyi nang tshan sangs rgyas gnyan ston chen po'i rnam 'phrul mkhan chen gzhon