[A:416]dus su'ang sku gsung thugs kyi yon tan la nges pa rnyed pa du mas bka' chos zhus par ma zad rab tu byung ba nas bzung dbang 'khrid lung man ngag gis mtha' klas pa'i gdul bya'i re ba yongs su bskang / chu 'brug bka' drin mnyam med 'bru'i sngags 'chang chen po'i drung du rje dam pa 'di nyid dang / chos rje byams pa shAkya blo gros/ chos rje ngag dbang pa/ chos rje dkon mchog legs 'dzin/ khams pa'i slob bu gsum dang bcas lhan cig par dbang 'khrid lung man ngag mang du gsan/ dgung lo so brgyad pa me pho spre'u'i lo dbus la phebs pa'i dgongs pa bstad/ zha lu ri phug nas rtse gdong du phebs zhabs drung khri rin po che kun dga' bsod nams lhun grub bkra shis grags pa rgyal mtshan dpal bzang po'i phyag phyi mdzad shu gu la brgyud paNDi ta chen po kA ma la shI la'i rnam 'phrul rong ston shes bya kun rig gi gdan sa rgyun ster ram 'dam bu sbyin du 'bod pa'i chos gra chen por byon/ rtse gdong khri rin po cher tshe dpag med grub rgyal lugs kyi dbang gsan/ zhabs drung khri chen gyis nA landA'i mkhan tshab tu mnga' gsol te re zhig bzhugs dus khams bod kyi gra pa rnams la rgyud sde bzhi'i nang nas dbang rjes gnang nyams 'khrid dang lung ci rigs kyi chos char phab/ rje btsun nA ro mkha' spyod ma'i sku'i snang ba ches gsal bar byung ba tshar chen la 'phan dkar gyi ljongs su rjes su 'dzin/ zhes pa dang dbyibs mtshungs pa'i nA ro ta pa'i slob bshad zab mo thugs nyams su bstar ba 'ga' zhig yul phyogs 'di ngos nas rjes su 'dzin pa'i rten 'brel zhig yod par mchis/