[A:418]nu blo gros mjal bar gsang chen slob bshad kyi sngags gra yar klungs bkra shis chos sder phebs/ mjal tsam nas dpon slob sngar nas 'dris pa lta bu'i thugs dgyes shing gsung gleng 'phel bar mdzad/ mkhan rin po cher tshar chen gyis mdzad pa'i kye rdor maNDal sgrub mchod dang rje nyid kyis mdzad pa'i zhal gyi gtor skyong gi lung / tshe dbang grub rgyal ma'i dbang / phyag drug pa'i rjes gnang sogs chos 'brel kha yar gsan/ khyed kyis chos sde'i gra pa rnams la gur zhal pu tra beg tse rnams kyi rjes gnang mdzod gsung ba ltar bka' bzhin bsgrubs/ hor zla lnga pa'i nyer gcig thams cad mkhyen pa'i sku mchod dus dran la dpon slob bcu gnyis kyis dpal rdo rje 'jigs byed rwa lugs rdul tshon gyi dkyil 'khor bzhengs nas zhag brgyad kyi bar bdag 'jug tshar brgyad bzhes pa'i nyer gnyis kyi dgongs 'tshams chos sde'i thad kyi nam mkha' li khri ltar gyi dbus na 'ja' kha dog lnga ldan gyi gur khyim dang gzhan yang lnga ldan brkyang pa sogs bun long nge bas khengs pa dpon slob thams cad kyis gzigs shing sgrub mchod tshugs gdong gi tshes bcu dgu'i nub ngo mtshar ba'i mnal lam zhig byung gsung ba las 'di yin gsal bar ma gsung snang yang phyi rol tu shar ba dang nang du ye shes kyis gzigs ngor byung ba mtha' dag bla ma 'jam dpal rdo rje gang thugs dag pa'i ngo bor ro gcig pa'i rang zhal mngon sum gzigs pa'i rnam 'phrul lo/ /hor zla bdun pa spre'u zla ba'i tshes bcu'i mchod pa byang gter thugs sgrub drag po rtsal gyi sgo nas gnang ba'i dus thugs dang ba'i snang ba dang dad gdung