[A:419]bcos ma ma yin pa'i shugs drag pas hUM gi 'dzab bskul tsam gyi tshe me tog gi char dad ldan kun gyi mngon sum mig gi spyod yul du gyur cing / nyi ma dmar thag chod skabs nam mkha' li khri lta bu la 'ja' kha dog lnga 'khyil ba dang dra phyed sogs mang pos mthong 'dug pa/ bka' las rtags de dag ayon mkhyen brtse'i thugs rje'i byin rlabs yin snyam pas slar yang dad gus kyi snying phur brtan par thebs/ zhes nges rnyed mdzad pa ni ayon sangs rgyas gnyis pa'i sku 'khor du langka'i rgyal khab dpal gyi ri bor bzhugs pa las spur rgyal gyi yul nas gsol 'debs mdzad pa po yang byin gyis brlab par bka' brgyad kun 'dus bla ma rig 'dzin gyi rnam par byon pa'i brda thabs tsam mo/ /phebs gdong mkhan chen pa'i gsung las chos sde 'di la khyed kyis gang legs mdzad dgos tshul gyi zhal ta dang bzhugs 'ding ngur smrig gis gtsos gnang cha sboms bstod cing mgon po'i bka' bsgo shin tu rgyas pa zh-ig gnang ba de las rgyas pa bla ma gzhan la zhu ma myong bas de la brten nas yun ring po'i bar blo bde cham me ba byung gsungs/ bzhugs 'ding gi gnang sbyin dang gra pa rnams la rjes gnang mdzad dgos pa rjes su chos sde'i mkhan por phebs dgos pa'i rten 'brel bla ma yi dam chos srung tshogs kyis dgongs pa rtse gcig pas bsgrigs par mngon/ chos sde 'di dbus phyogs su gsang chen slob bshad pa'i sngags dgon bzang shos yin par ma zad mgon khang du rdo rje chos skyong rnams mngon sum du bzhugs nyams kyi gzi byin che