[A:427]'ong ma/ /dus ring nas bskyangs pa'i ma ma des/ /da rig 'dzin gyi grub pa ster ba'i brda/ /zhes pa dang mtshungs par mngon/ gam pa la brgyud ma pham mgon po kun mkhyen bu ston zhabs kyi dben gnas zha lu ri phug chos kyi pho brang du phebs te bzhugs mu nas sa khyi lor gnubs chos lung du aShta'i bsnyen chen gnang skabs dpal kye rdo rje lha dgu'i rten brten pa thog tshad tsam gzigs pa ni/ tshar chen gyi gsung mgur du/ dpal bde mchog 'khor lo rnal 'byor ma/ /lha dgyes pa rdo rje rim bzhin du/ /khyod byang chub sgrub pa'i yi dam gyis/ /zhes gsungs pa'i don ltar zung 'jug mngon du ma gyur gyi bar du rjes su 'dzin pa'i brdar mchis/ gyang shing lta bu zhig gi steng na rje btsun dkar po rnam gsum bzhugs pa sku dngas shing gsal ba 'od kyi rang bzhin la rjes su sku rnams cung zad 'khyogs pa'i rnam pa mnal mal du gsal bar shar zhing / ljags bsnyen bcu cha'i sbyin sreg sogs tshang bar grub nas bka' brgyad yongs rdzogs kyi zhal gzigs shing de nas bzung sngags sgrub nar mar mdzad/ dbal phug tu byon pa'i nub mnal lam gyi tshul du tshar chen chos kyi rgyal pos gsung ngag gi dbang byin rlabs khrid man ngag thams cad gnang ba'i nyams shar ba ni rje brtse ba chen por rnal 'byor dbang phyug pi rU pas rgyab ri dang mnyam pa'i sku dngos su bstan te gsung ngag lam 'bras rdzogs par gnang ba dang shar chen gyis mnal lam bzung nas spros med gsan pa'i lo rgyus dang dbyibs mtshungs pas mnal lam gyi zol las mngon