[A:391]ngos su/ rab 'byams shes bya'i tshon ris kun shar bas/ /grags min don dang ldan pa'i thams cad mkhyen/ /ched du bcos ma'i gzhan 'brid lhur len dang / /zhig po'i rtsing spyod mtha' gnyis dang bral ba/ /tshul khrims dbu mar rnam dag bag yod kyi/ /nam yang lhod med btsun pa'i rtse mor son/ /gnyen chags gcan gzan lugs la byang sems su/ /mi rlom lus can kun la rtag snyoms pas/ /gcig tu phan pa sgrub pa'i lhag bsam thugs/ /rdul bral ston zla ltar dkar bzang po'i dpyid/ /a ho phyi rol nyan thos bslab pas mdzes/ /nang du rlabs chen spyod mdzad rgyal ba'i sras/ /gsang ba bcu gsum rdo rje'i sar gshegs pa'i/ /rtogs brjod smra la 'jig rten mes po ngal/ /'on te thun mong gdul bya'i bsam pa khams/ /dbang po 'tshams pa'i rnam thar ganggA'i klung / /rdul las sor mo'i rtse yis blangs pa tsam/ /