[A:392]gleng tshe snod ldan tshogs rnams rna ba blogs/ /de'ang ji skad du/ /rgan pa'am ni gzhon pa'ang rung / /gang las chos ni rnam shes pa/ /de la gus par phyag bya ste/ /zla ba tshes la ji bzhin no/ /zhes zab pa dang rgya che ba'i dam pa'i chos tshul bzhin du ston pa zhig gi mthu la brten nas rjes 'brang gi slob ma yang slob sogs mtha' klas pa'i yon tan gyi cha mtha' dag rgyas par 'gyur ba ni zla ba tshes pa la brten pa/ dkon brtsegs le'u zhe gsum pa las/ 'od srungs 'di lta ste/ dper na zla ba tshes pa la phyag 'tshal ba de ltar nya ba la ni ma yin no/ /'od srungs de bzhin du gang dag nga la rab tu dad pa de dag gis byang chub sems dpa' rnams la phyag bya yi/ de bzhin gshegs pa rnams la ni de lta ma yin no/ /de ci'i phyir zhe na/ byang chub sems dpa' las ni de bzhin gshegs pa rnams 'byung ngo / /de bzhin gshegs pa las ni nyan thos dang rang sangs rgyas thams cad 'byung ngo / /de la 'di skad ces bya ste/ zla ba tshes par thams cad phyag 'tshal gyi/ /zla ba nya la de ltar phyag mi 'tshal/ /de bzhin gang dag nga dad de dag gis/ /rgyas sras byang chub sems dpar phyag tshol zhig /ces gsungs pa'i don bzhin bstod phyag gi yul du bshad pa ltar tshigs su bcad pa sngon du 'gro ba'i sgo nas skabs su babs pa gleng bar bya ba ni dus gsum gyi bde bar gshegs pa thams cad kyi gsang gsum mi zad pa rgyan gyi 'khor lo'i bdag nyid rigs dang dkyil 'khor kun gyi khyab bdag drug pa rdo rje 'chang chen po bslab gsum 'tshams sprin gos kyis klubs pa rje btsun bla ma dam pa dbang phyug rab