[A:443]zhag gsum po der gnas kyis gang zag byin gyis brlabs so zhes dpag dka'i yon tan gzhan rnams sbas par mchis/ tshar chen gyi gsung mgur las/ dgra gnyen bar ma'i 'gro ba kun/ /gdod nas dag pa'i he ru kaH /lha dang lha mo'i rnam rol tu/ /dga' mgur spyod pa bla ma'i drin/ /zhes gsungs pa'i don du gda'/ chos sder phebs nas rdo rje 'jigs byed chen po'i dkyil 'khor gyi gtso bor bzhengs te rten brten pa'i tshogs de'i thad kyi nam mkha' gang bar 'gro 'ong dang tho rengs kyi char rang gi sku 'ja' 'od phung nge ba'i dkyil na yod pa'i thugs nyams shar/ hor zla bcu pa'i tshes brgyad kyi thor thun dngos gzhi rdzogs nas padma drag po dbu dgu'i rnal 'byor gyi tshe dkyil 'khor gyi dbus su rje nyid gtso bo'i rnam par shar bar reg mthong gi mtshan ma brtan po rnyed/ hor zla bcu gcig pa'i yar tshes la shrI de ba a yu'i bsnyen mtshams mdzad pa grol rgyu'i tho rengs tshe lha'i sku'i snang ba gsal zhing tshes bco lnga'i tho rengs sngar bas kyang gsal ba zhig byung gsung ba sku tshe mthar phyin pa'i rten 'brel khyad par can du go /dgung kag phyis skyel gyi dog char dgongs hor zla bcu gnyis pa'i tshes bzhi nas sku'i bcad rgya tshugs pa'i tho rengs skur glags lta ba 'byung po'i cho 'phrul gyi 'od chen po 'khor zhing 'khrug pa'i steng du rje btsun padma thod 'phreng mi tshad tsam pa gzi brjid phun sum tshogs pa zhig bzhugs 'dug pas ba mo la nyi ma shar ba bzhin de 'phral du zhi/ zhag lnga tsam nas slar yang slob dpon chen po'i gzigs snang je gsal la song bas yid srubs kyi bar gcod las rnam par rgyal/ tshes bcu'i nyi shar gyi dus cung zad mnal