[A:444]ba'i nyams la rje nyid rje btsun nA ro mkha' spyod ma'i rnam par lam gyis gyur pa ni rje btsun kun spangs chen pos/ chos rje la mkha' spyod ma'i byin rlabs byas res kyis nged la ltas khyad par can re yong gi 'dug 'bad rtsol mdzad na 'dis mkha' spyod la khrid nyen gda'o/ /zhes tshar chen la gsungs pa'i lo rgyus dang tshul mtshungs par mngon/ sde pa bkra shis rtse pa'i sras po na phra ba zhig gdon gyis zin nas dbugs kyi 'gyu ba 'gags te 'grongs par thag bcad pa na rje de nyid spyan drangs bka' bsgo'i byin rlabs mdzad pa dang lhan cig par gsos bas log rtog can 'dra'ang ha las te dad pa'i sar bkod/ sa sprel zla ba gsum pa'i tshes gsum nas chos sde'i gra pa don gnyer can rags bsdus la/ tshar chen gyi gsung mgur du/ mi phal cher so skye'i bla ma bsten/ /nga sangs rgyas dngos kyi bla ma bsten/ /khong dpe nag bltas pa'i slob mas khengs/ /nga snyan brgyud zab mo'i gdams pas tshim/ /zhes so skye'i bla ma gcig nas gcig tu brgyud pa'i tshig tsam bshar sbyang lta bu ma yin par gsung ngag rin po che slob bshad kyi khrid dbu btsugs te nyan rang dang pha rol tu phyin pa'i lam dang thun mong du gyur pa snang ba gsum sems bskyed kyi mtha' brten pa/ sngags lam la lta ba 'khor 'das dbyer med kyis sems kyi gzhi rtsa bcad nas dbang bzhi'i lam gyi nyams khrid/ kye rdor yab bka'i rgyu lam yum bka'i dbang byin rlabs kyi rim pa rgyab brten lung dang bcas hor zla drug pa'i tshes bcu'i bar la rdzogs par gnang ba'i tshe bdag med lha mo bco lnga'i sindhu ra'i byin rlabs la cung zad