[A:༤༤༤]བའི་ཉམས་ལ་རྗེ་ཉིད་རྗེ་བཙུན་ནཱ་རོ་མཁའ་སྤྱོད་མའི་རྣམ་པར་ལམ་གྱིས་གྱུར་པ་ནི་རྗེ་བཙུན་ཀུན་སྤངས་ཆེན་པོས། ཆོས་རྗེ་ལ་མཁའ་སྤྱོད་མའི་བྱིན་རླབས་བྱས་རེས་ཀྱིས་ངེད་ལ་ལྟས་ཁྱད་པར་ཅན་རེ་ཡོང་གི་འདུག་འབད་རྩོལ་མཛད་ན་འདིས་མཁའ་སྤྱོད་ལ་ཁྲིད་ཉེན་གདའོ། །ཞེས་ཚར་ཆེན་ལ་གསུངས་པའི་ལོ་རྒྱུས་དང་ཚུལ་མཚུངས་པར་མངོན། སྡེ་པ་བཀྲ་ཤིས་རྩེ་པའི་སྲས་པོ་ན་ཕྲ་བ་ཞིག་གདོན་གྱིས་ཟིན་ནས་དབུགས་ཀྱི་འགྱུ་བ་འགགས་ཏེ་འགྲོངས་པར་ཐག་བཅད་པ་ན་རྗེ་དེ་ཉིད་སྤྱན་དྲངས་བཀའ་བསྒོའི་བྱིན་རླབས་མཛད་པ་དང་ལྷན་ཅིག་པར་གསོས་བས་ལོག་རྟོག་ཅན་འདྲའང་ཧ་ལས་ཏེ་དད་པའི་སར་བཀོད། ས་སྤྲེལ་ཟླ་བ་གསུམ་པའི་ཚེས་གསུམ་ནས་ཆོས་སྡེའི་གྲ་པ་དོན་གཉེར་ཅན་རགས་བསྡུས་ལ། ཚར་ཆེན་གྱི་གསུང་མགུར་དུ། མི་ཕལ་ཆེར་སོ་སྐྱེའི་བླ་མ་བསྟེན། །ང་སངས་རྒྱས་དངོས་ཀྱི་བླ་མ་བསྟེན། །ཁོང་དཔེ་ནག་བལྟས་པའི་སློབ་མས་ཁེངས། །ང་སྙན་བརྒྱུད་ཟབ་མོའི་གདམས་པས་ཚིམ། །ཞེས་སོ་སྐྱེའི་བླ་མ་གཅིག་ནས་གཅིག་ཏུ་བརྒྱུད་པའི་ཚིག་ཙམ་བཤར་སྦྱང་ལྟ་བུ་མ་ཡིན་པར་གསུང་ངག་རིན་པོ་ཆེ་སློབ་བཤད་ཀྱི་ཁྲིད་དབུ་བཙུགས་ཏེ་ཉན་རང་དང་ཕ་རོལ་ཏུ་ཕྱིན་པའི་ལམ་དང་ཐུན་མོང་དུ་གྱུར་པ་སྣང་བ་གསུམ་སེམས་བསྐྱེད་ཀྱི་མཐའ་བརྟེན་པ། སྔགས་ལམ་ལ་ལྟ་བ་འཁོར་འདས་དབྱེར་མེད་ཀྱིས་སེམས་ཀྱི་གཞི་རྩ་བཅད་ནས་དབང་བཞིའི་ལམ་གྱི་ཉམས་ཁྲིད། ཀྱེ་རྡོར་ཡབ་བཀའི་རྒྱུ་ལམ་ཡུམ་བཀའི་དབང་བྱིན་རླབས་ཀྱི་རིམ་པ་རྒྱབ་བརྟེན་ལུང་དང་བཅས་ཧོར་ཟླ་དྲུག་པའི་ཚེས་བཅུའི་བར་ལ་རྫོགས་པར་གནང་བའི་ཚེ་བདག་མེད་ལྷ་མོ་བཅོ་ལྔའི་སིནྡྷུ་རའི་བྱིན་རླབས་ལ་ཅུང་ཟད་