[A:447]srid mang por 'go ba'i lus ngan po/ /gzi brjid nyi ma 'bum gyi dpal rjes snyeg /lhun po phyer 'thag mthu chen dgon gsar pas/ /khyod rjes 'dzin par bskul tshig mchil pa yis/ /'bod grogs mgon po'i byin rlabs lcags kyi phye/ /'drin pa'i khab len rdo bar rkang pa 'jog /za hor sa spyod gos kyis brjid ldan yang / /ngur smrig dras drubs na bza' gcig tu btsun/ /rigs sngags brtul zhugs grub pa'i gsang gos can/ /pad 'byung thog ma'i dgyes zhal zla ba tshes/ /a ti rdzogs chen yongs kyi yang snying bcud/ /rje btsun ye shes rdo rjer dgongs pa'i gter/ /gsan tshe blo 'das chos sku'i rang zhal la/ /yengs pa'i kun rdzob bden pa bag la zha/ /bod 'bangs dga' spro'i dpal ster gnas kyi rtse/ /'chi med bdud rtse'i bcud len sgrub pa'i zhing / /shel dkar brag ri rab brtsegs dpa' po dang / /ma tshogs sprin ltar 'du ba'i gnas der byon/ /bka' brgyad yongs 'dus rig 'dzin bla ma yi/ /thugs rje snying zhugs rtags mtshan phyi ru shar/ /gang snang zhi khro rab 'byams rten brten pa/ /grub pa'i gzigs mo de la yun rings yengs/ /khrag 'thung rnal 'byor ma dpal mnyam sbyor ba'i/ /dpyid thig bde chen gar gyis 'byams su klas/ /ma he'i zhal dang dbang drag dbu dgu pa/ /gtum rngams gad mos kun bzod ma 'di 'dar/ /thod phu'i grub pa'i 'khor sgyur sprin 'dzin gyi/ /thugs la nyer gab slob bshad rnam par rgyal/ /dug lnga'i nad brgya 'joms pa'i sman gcig pus/ /shes ldan rnams kyi zug rngu ma lus phyungs/ /