[A:459]dbang 'chi med grub pas lcags kyi srog brtsa'i dngos grub rtsal nas byin gyis brlabs par gdon mi za/ chos sde'i mgon khang gi gtor 'khris na gnod sbyin chen po beg tse pho rkyang gi rnam par mda' gang tsam pa'i sku tshad gtum rngam brjid bag dang ldan pa shin tu gsal ba gzigs pa ni sa lugs byings la chos skyong 'di nyid grags chung yang bla ma gnyan lo tsA ba thugs gtsigs che zhing mgon po zhal gyi las mkhan dmar nag gnyis kyi dmar po yin pas rdo rje 'chang tshar pa chos rje nas bzung lugs 'di'i chos srung gi gtso bo zhig tu mdzad gshis dpon slob sde dang bcas pa mtha' dag g.yel med du bsrung bar dmar zlum gyi spyan nyi zla ltar 'khyil ba'i brdar mngon/ lo sngun ma'i bde gzar rgyun rings par brten bsgrigs kun spyod rnams bag yangs pa grwa pa kha shas 'chal pa'i skyon byung ba bslab pa bskyar zhing dge 'dun gyi khrims su bca' ba legs par bsdams pa'i nub mnal lam du nang mdo sbug byas pa'i spro sa der tshar chen chos kyi rgyal po bzhugs pa'i sku mdun du shing gzhong chen po rtsam pa'i phung pos gang ba zhig bzhag 'dug pa'i drung du byon pa na rdo ring rin po che'i don yin nam gsung ba mnal sad nas thugs bsam gnang tshe bdag 'di phyogs su sdod 'dod med kyang chos sde 'di'i 'dzin skyong spel gsum gang nus su bgyis pa dang nye lam dge 'dun rnams khrims la bkod pa sogs don du gnyer ba 'di bla ma yab sras kyi bstan pa kha'u pa'i ring lugs su grags pa 'di la bsams pa yin pas gsung de'ang don de'i thog tu 'bebs par 'dug snyam pa dga' spro dang mos gus tshad