[A:460]med pa byung tshul mchis/ dbus gtsang sa khad 'gyangs pa dang sku na smin pa nas phebs 'grul rtag po ma thub par brten dmar ser zhes pa me sbrul hor zla gnyis pa'i tshes bco lnga gza' skar 'phrod sbyor dge ba'i dus dga' ldan yid dga' chos 'dzin du dam pa tog dkar pos rang gi cod pan ma pham pa'i dbur bcings te rgyal tshab tu bskos pa ltar chos dang rigs kyi rgyal ba'i sras dbon rin po che mgon po bsod nams mchog ldan rje rdo rje 'chang rang gi chos kyi khrir mnga' gsol nas yon mchod skya ser mtha' dag gis legs 'bul dang bcas phun sum tshogs pa'i dga' ston rgya cher mdzad de rje bla ma gtsang phyogs su chibs kha bsgyur ba'i ri phug tu phebs/ dbyar khyab bdag zha lu pa chen po'i thog drangs pa'i kha shas la bde chen ral gcig gi rdzogs rim sems nyid ngal gso'i 'khrid sogs chos bka' kha yar/ de rjes glang phu chos rje 'jam dbyangs chos skyong dbang phyug gis gsol ba btab pa la brten nas zha lu pa chen po sogs chabs cig par gur gyi srung 'khor brag rdzong ma phyi nang gsang gsum gyi 'khrid/ rnam sras kyi rjes gnang skor/ /lung kha shas gnang / de mus ngor nas mkhan chen sgrub khang pa mkhas grub dpal ldan don grub phebs par gdugs dkar zhe gnyis ma'i dbang / gur mgon gsang 'khrid sogs stsal/ ston sde pa glang phu nas kyis gzhis kar spyan drangs te byang gter thugs rje chen po 'gro ba kun sgrol gyi sgo nas mdang ston chos skyong bsod nams kyi phyag bzhes bzhin skye bdun ril bu'i sgrub pa mdzad pas dril bu dgu tsam 'phel/ zhal ngo tshor brag rdzong