[A:469]mtha'/ 'da' kha ma/ sgyu lus/ 'od gsal/ rmi lam dang bcas pa'i nyams 'khrid dbang byin rlabs sogs cha tshang bar khyon bsdoms zla ba phyed brgyad la smin rgyas su gnang ba ni tshar chen gyi gsung mgur du/ nyams len gdams pa'i gtso bo ni/ /rgyal yum bdag med mkha' 'gro la/ /paN grub dbang po bi rU pas/ /nos pa nas bzung da lta'i bar/ /rtsa ba'i bla ma yan chod du/ /dbang bzhi'i chu bo ma nub pa'i/ /bla ma'i gsung ngag bdud rtsi'i rgyun/ /tshad ma bzhi ldan dbang bzhi'i lam/ /rdo rje theg pa'i snying po yin/ /zhes gsang sngags kyi yang snying tshad ma bzhi ldan gyi snyan brgyud legs par gdams/ rin lding nas zha lu pa chen po rin cen bsod nams mchog grub kyis rdo rje 'chang la zhu yig tu lo 'di bzhugs kyi bka' bzhes blo bde ba zhig dgos zhu ba gnang ba'i tshe spyir bstan pa dang sgos khyed rang la bsams lo lnga sdod pa'i mnyam gzhag brtan po byed ces pa'i zhu lan stsal lo/ /legs 'dod g.yo sgyus log pa'i lam 'khrid mgrin/ /legs ldan gri gug 'bar bas nyer gtubs kyang / /legs tshogs kun 'byung rdo rje 'dzin khyod kyis/ /legs pa'i mdun rtse bde chen gnas su bskyal/ /pad 'byung khros pa'i mthar thug dbu dgu pa/ /pad 'byung bstan pa'i nyin byed byang pa rjes/ /pad 'byung zab gter bdag po khyod nyid kyis/ /pad 'byung dgongs pa skong slad ched du gdams/ /rtsa gsum 'khor lo'i snang ba zad mi shes/ /gcig las du mar bsgyur ba'i sna tshogs 'phrul/ /tshur mthong byis blo brid mod nges don du/ /chu dang rlabs 'phreng dbye ba gang gis