[A:470]'byed/ /gar dbang 'chi med grub pas lcags srog rtsa/ /bdud rtsi'i 'od 'phro tshangs bug nas bcug tshe/ /lnga pa'i zhags pa 'phen pa'i dka' thub can/ /nyi ma'i bu de ngal ba'i gnyid la g.yur/ /gnyen po'i rlabs kyis ma zin tha rengs rgyud/ /tshul ldan myu gu skems par mngon phyogs pa/ /rnam dag sdom pa'i char gyis gtan bde'i snye/ /smin de thugs rje'i mkha' glang stug po'i drin/ /gsung rgyun 'dzin pa'i stong phrag sras mnga' yang / /rigs kyi thu bo mtshungs med bka' 'gyur pa/ /slob bshad mang bkur khri la rab bkod pas/ /chos kyi 'khor los sgyur ba'i res su son/ /rgyud sde'i mnga' bdag dpal ldan don grub thugs/ /rnam dpyod lus phra'i mig dkyus ring pos phrogs/ /mkhan chen zha lu pa dang glang phu rje/ /rang bstan gdams pa'i bang mdzod lde mig gtad/ /rgya chen gtsug lag kun la gzhan gyi dring / /ma ltos dbyod ldan ngag dbang chos kyi grags/ /khro phu lo tsAr mkhyen nas legs bsngags pa/ /'dam khrod yid bzhin nor bu'i byi dor 'dra/ /shes byar srid kun yongs mkhyen bu ston rje'i/ /ri phug chos kyi pho brang nyams dga' bar/ /bstan pa'i me ro slar yang gnyis pa zhig /gso ba'i legs ldan dpyid dus bzhin ras dngom/ /bde gshegs zhi khro 'dus pa'i dkyil 'khor cher/ /zur ston 'ug bya lung sogs rig sngags 'chang / /mtha' klas smin pa dpal gyi mchims phu ru/ /rje 'bangs nyer lnga'i mdzad par co 'dri snyam/ /tshar chen bla ma'i gdan sa sa srungs steng / /rnam dpyod spyan stong mnga' ba rab 'gying tshe/ /log rtog lha min mo yi