[A:484]pod longs shig snang ba don med kyi bskyar bshad tsam min pa'i brjod don phun sum tshogs pa sha stag mchis/ brtse ba'i cha nas sku tshe mang por mkhas pa dang grub pa'i yang srid bzung ba'i rgyal sras kyi spyod pa la goms pa'i bag chags kyis rgyu 'bras man ngag bdun gyi sgo nas bdag gzhan mnyam par brje ba'i thugs bskyed bcos ma min pa 'khrungs pa'i rgyus chags sdang gi sgang gshong med pa'i btang snyoms kyi thang bde mor ris med kyi 'gro ba thams cad la dngos dang brgyud pa'i sgo nas rjes su bzung ba mtha' dag 'dri bar ma lang zhing dper na shing bzo ba dpal ldan sogs 'chi bar thug pa mang dag la mi 'jigs pa'i sbyin pa dang / gshin po sogs la lhag par brtse bas rigs drug gnas 'dren gyi sgo nas gnas ngan len las bskyabs pa'i sdig can 'ga' yang mi lus thob nas skye dran gsal ba'i lo rgyus mang / dbul phongs ma nus pa gzigs pa'i tshe bzod glags med pa'i skyo shas dang nges 'byung gis zin pa'i zas gos gnas mal sman gyis mtshon te phan 'dogs pa la brtson pas gzhan don du gang 'gyur ma gtogs rang gi bdog pa la 'jungs pa'i rtog pa ye mi mnga'/ gtso bor mchog dman bar pa gsum so so'i blo dang 'tsham pa'i chos kyi sbyin pa bstan pa dang sems can la phan pa/ thos bsam bsgom pa/ nyams len byed lugs phra mo tsam la'ang ras chod du ma song ba'i skyo ngal med par bslab bya'i sgo nas mngon mtho dang nges legs kyi sar sbyor nus pa'i cha nas grub pa'i dbang phyug ku ku ri pa sogs